8mm - Delitto a luci rosse
|
C'l artìcul chè 'l è scrit in
Miranduléś |
 8MM | ||
| 8mm - Delitto a luci rosse | ||
 Gandolfini e Cage in na figùra dal film | ||
| 8mm - Masamènt a luś rósi 1999 | ||
|---|---|---|
| Regìa: Joel Schumacher | ||
| Scritōr: Andrew Kevin Walker | ||
| Atōr: Nicolas Cage • Joaquin Phoenix • Chris Bauer James Gandolfini • Peter Stormare • Anthony Heald Catherine Keener • Myra Carter • Amy Morton | ||
| Müsica: Mychael Danna | ||
| Léngua: Ingléś • Spagnōl | ||
| Dürä dal film: 123 minüt | ||
| Nasiōṅ: Stat Unî • Germàgna | ||
8mm - Delitto a luci rosse (8mm - Masamènt a luś rósi) 'l è 'n thriller americàṅ e tedésc dal 1999 ad Joel Schumacher.
Al film, preśentâ a 'l 49śum Fèstival 'd Berlîṅ, 'l à fat sù dagnóra sènt migliòṅ ad dòlar esénd-an custâ quarànta.
Sunt
[mudéfica la surzéia]Dòp la mòrt dal sò spóś migliardàri, la védva sgnōra Christian (Myra Carter) la fà ciamàr p'r al sò avucàt Daniel Longdale (Anthony Heald) 'n investigadōr privâ, Thomas Welles (Nicolas Cage), parchè in dla casafòrt ad sò marè l'à catâ na pelìcula su 8mm c'n un filmâ dal gènar snuff movie in du a s véd na ragàsa (Jenny Powell) viulentàda e pò masàda a scurtlàdi da 'n óm cun na mascra négra adòs e 'n tatuàǵ su la maṅ (Christopher Bauer). La vècia la vōl savēr s'la filmìna l'è véra o s'l'è sōl na rècita, sénsa tiràr dèntar la pulisìa par paùra dal scàndal.
Tom al gh diś ad sè e 'l s mét a pascàr la ragàsa in di elènc dal parsòni sparìdi in chi an lè. A fadìga al s rénd cònt ch'a s trata dla fiōla dna sèrta Janet Mathews (Amy Morton), la Mary Anne, e catànd al sò diàri al capìs ch'la pōl ès'r andàda a Hollywood a pascàr furtùna, esénd lē piutòst arvèrsa. Al detective al partìs acsè par la Califòrgna lasànd a cà sò mujēr, lʼAmy (Catherine Keener), e la sò putìna péna nada, la Cindy.
Rivâ a Hollywood, Tom al taca a frequentàr gl'ambînt dal sès e dal pòran, specialmènt qvéi più malnét e pruibî, faghénd-'s amìg c'n al cumés 'd un sexy shop, un muśicìsta śōvan ciamâ Max California (Joaquin Phoenix), ch'al taca a jutàr-'l in dgl'indàśìn in cambi ad bèsi. Guardànd di film cun dal dóni viulentàdi, 'l arcgnós in un film 'l óm c'n al tatuàǵ, un brut grintèṅ ch'al s fà ciamàr „Maśnadōr“. I film cun chi lò prutagunìsta i èṅ qvéi dal regìsta pòran Dino Velvet (Peter Stormare), sòci in afâr c'n al pruprietàri dla cà 'd prudusiòṅ Celebrity Films 'd Edward Poole (James Gandolfini).