01 Distribution
|
C'l artìcul chè 'l è scrit in
Miranduléś |
La 01 Distribution l'è na cà 'd distribusiòṅ ad film itagliàna, cuntrulàda da Rai Cinema.
L'è nada in d'l avrìl dal 2000 par mèrit ad Carlo Macchitella parchè la Rai la gh'iva biśógn ad tgnir adrē a i lavōr ad prudusiòṅ e gestiòṅ di dirìt di prudót audioviśìṿ ligâ a 'l cìnema. In fîṅ a 'l 2003 la cà l'éra 'd pruprietà dla Rai Cinema p'r un 50% e dla cà francéśa StudioCanal p'r al rèst ma pò Rai Cinema 'l à ciapâ 'l cuntròl ad tut.
Al sò catàlug 'l è stâ distribuî in alóra in VHS e in DVD da la Columbia TriStar Home Entertainment e pò da la DNC. Da 'l 2004 in avànti la 01 Distribution la s è fata càr'g ad far lē diretamènt cal lavōr chè.