Śelànda Nóva
|
C'l artìcul chè 'l è scrit in
Miranduléś |
La Śelànda Nóva (Nuova Zelanda in Itagliàn, New Zealand in Ingléś) l'è 'n stat dl'Uceàgna ch'al s cata in d'l ucéan Pasìfic meridiunàl.
La mét insém soquànti ìśuli: l'Ìśula dal Nòrd, l'Ìśula dal Sud (ch'la gh'à anc la mutàggna più élta dal paéś, al mònt Cook, ch'al pasa i trimìla e setsènt métar) e l'Ìśula Stewart ólt'r a siē arcipèlag ch'i èṅ pò gl'Ìśuli Auckland, gl'Ìśuli di Antìpud, gl'Ìśuli Bounty, gl'Ìśuli Campbell e gl'Ìśuli Kermadec.
L'è divìśa da l'Austràglia, ch'la s cata a nòrd-òvest dumìla km luntàṅ, da 'l mâr ad Tasman. La gh'à na superfìsi 'd 267.710 km² e la sò capitàla l'è Wellington mént'r al sò sèntar più impurtànt 'l è invéci Auckland. La sò munéda l'è 'l dòlar neuśelandéś.
In dal 2021 la psiva cuntàr su sinc migliòṅ ad cristiàṅ ch'i èṅ ciamâ anc kiwi ch'l è 'l uśèl sìmbul dla nasiòṅ. Al prim minìstar, da 'l 2023, 'l è Christopher Luxon méntar la sò fèsta nasiunàla l'è al siē ad Favràr.
Culegamènt estéran
[mudéfica la surzéia]
Austràglia •
Śelànda Nóva •
Pàpua Guinèa Nóva •
Figi •
Ìśuli Salumòṅ •
Vanuàtu •
Stat Federâ dla Micrunéśia •
Kiribàti •
Ìśuli Marshall •
Palàu •
Naùru •
Samòa •
Tónga •
Tuvàlu