Śéca

C'l artìcul chè 'l è scrit in Miranduléś

Śéca
na śéca
Dominì: Eukaryota
Rèign: Animalia
Sòtrèign: Eumetazoa
Ram: Bilateria
Superphylum: Protostomia
Clâd: Ecdysozoa
Phylum: Arthropoda
Subphylum: Chelicerata
Clâsa: Arachnida
Órdin: Parasitiformes
Sòtórdin: Ixodida
Famija: Ixodidae • Argasidae • Nuttalliellidae

La śéca (nóm sientìfic Ixodida, zecca in itagliàṅ) 'l è 'n aràcnid ch'al fà part dal sót-órdan di Parasitiformes ch'al gh'à tri famìji: Ixodidae (“śéchi dûri”), Argasidae (“śéchi fiàpi”) e Nuttalliellidae, qvésta chè la gh'à sōl la spécie Nuttalliella namaqua.

A s trata 'd bestiulìni parasìta di vertebrâ e anc d'l óm, i s tàc'n a la pèl par ciuciàr via 'l sànguv. In dal far-al, i pōl'n anc tacàr di brut mâi cuma la févra Q, la piruplaśmóśi, al mâł 'd Lyme e la babeśióśi.

Al sò cìcclo 'd vita al taca da 'l ōṿ, pasànd pò p'r al stadi 'd larva, ninfa e adûlt. Dastacàr-li da 'l còrp a n è minga 'n quèl fàcil parchè a gh'è da druàr na pinséta faghénd-la pasàr atàc a la pèl, stand aténdi a n schisàr-li briśa o sinò 'l è pèś esénd ch'in cal caś chè i prévan stramnàr dal lìquid infèt su la frida.

Al spéci più famóśi i èṅ la śéca dal bòsc (Ixodes ricinus) e la śéca dal caṅ (Rhipicephalus sanguineus) ch'i èṅ lunghi da òṅ a dū milimétar quànd i èṅ śōvni e almànc un sentimétar da grandi.

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Śéca
Wikimedia Commons contiene file multimediali su Śéca