Ìndia
|
C'l artìcul chè 'l è scrit in
Miranduléś |
.svg)
LʼÌndia (denuminasiòṅ ufisiàla: भारत गणराज्य) 'l è 'n stat federàł dl'Àśia meridiunàla, dvintâ indipendènt da 'l Régn Unî in dal 1947. La cunfìna cun la Cina, al Népal, e 'l Bhutan a nòrd-èst, c'n al Bangladesh e la Birmàgna a èst e c'n al Pàkistan a nòrd-òvest.
La s divìd in vint-i-òt stat e òt teritòri cuntrulâ diretamènt p'r al guèran federàł. A sud l'è bagnàda par 'l ucéan Pasìfic mént'r a nòrd a gh'à la cadéna di mònt più élt dal mónd, 'l Himalaya.
La sò léngua ufisiàla l'è 'l hindī ma chè a s dascór anc in ingléś e in atri vint-i-òṅ léngui difarènti dal pòst. La sò munéda l'è la rupìa indiàna. La sò fèsta nasiunàla l'è al 26 ad Śnar, al dè ch'l'è dvintàda na repùblica cun la sò custitusiòṅ.
La sò capitàl l'è Nóva Delhi cun Mumbai, Kolkata, Chennai, Bangalore, Hyderabad, Ahmedabad e Pune àtar sènt'r impurtànt ch'i pàs'n i sinc migliòṅ 'd abitànt.
La gh'à na superfìsi ad tri migliòṅ e tri km² a 'l incìrca (al sètim stat più grand a 'l mónd) par na pupulasiòṅ ch'la riva dagnóra a 'l migliàrd e mèś ad parsòni, a 'l prim pòst fra 'l nasiòṅ avénd pasâ la Cina in dal 2023.
La religiòṅ più impurtànta dal paéś 'l è 'l Induìśum, esénd che 'l 80% dla pupulasiòṅ la gh créd, p'r al rèst a gh'è anc al Sikhìśum, al Budìśum, 'l Ìślam e 'l Cristianéśum.
Al sò prim minìstar, da 'l 2014, 'l è Narendra Modi méntar la presidènta l'è la Droupadi Murmu.
Culegamènt estéran
[mudéfica la surzéia]
Wikimedia Commons contiene file multimediali su Ìndia
