È nata una stella (film 1954)
|
C'l artìcul chè 'l è scrit in
Miranduléś |
 A Star Is Born | ||
| È nata una stella | ||
.png) Noonan, la Garland e Bickford in na figùra dal film | ||
| L'è nada na stéla 1954 | ||
|---|---|---|
| Regìa: George Cukor | ||
| Scritōr: William A. Wellman • Dorothy Parker Alan Campbell • Robert Carson • Moss Hart | ||
| Atōr: Judy Garland • James Mason • Jack Carson Charles Bickford • Tommy Noonan • Lucy Marlow Amanda Blake • Irving Bacon • Stuart Holmes Mae Marsh • Frank Puglia • Frank Ferguson Hazel Shermet • James Brown • John Saxon | ||
| Müsica: Ray Heindorf | ||
| Léngua: Ingléś | ||
| Dürä dal film: 169 minüt | ||
| Nasiōṅ: Stat Unî | ||
È nata una stella (L'è nada na stéla) 'l è 'n drama muśicàł dal 1954 ad George Cukor, arfacimènt 'd un film c'n al stés tìtul dal 1937.
La pelìcula l'è stada candidàda a siē Prèmi Òscar e l'è stada sarnìda in dal 2000 p'r èsar tgnuda dacàt in dal National Film Registry dla Bibliutéca dal Cungrès di Stat Unî.
Sunt
[mudéfica la surzéia]LʼEster Blodgett (Judy Garland) l'è na cantànta uriginària d'l Idaho ch'la canta e la bala in spetàcui in du a sòna la banda dal sò amìg Danny McGuire (Tommy Noonan). Na sira chi lē la cgnós a 'l Shrine Auditorium ad Los Angeles 'l atōr Norman Maine (James Mason), 'n èx stéla 'd Hollywood ch'la véd sèmpar da piò dasfiàr-'s al sò sucès, par via di an ch'i pàsan ma anc p'r al brut visi ch'al gh'à 'd bévar, tant ch'al gh'à da spés la ciùca. 'L agìnt dal sò studi, Matt Libby (Jack Carson), al n s al cumpatìs piò.
A na séna, sinténd-la cantàr, Norman al cunvìns la dóna a mulàr al sò grup ad sunadōr par tintàr na caréra da par lē a Hollywood, préśentànd-la a 'l cap dal sò studi, Oliver Niles (Charles Bickford). C'n al nóm 'd art ad Vicki Lester la Blodgett la gh'à subìt sucès e i sò film i piàśan dimóndi a la gint.
Norman e lʼEster i sa spóśan, insém i èṅ cuntènt, ma purtròp Niles al gh'à dal bruti nutìsi par lò parchè al sò studi al gh'à intensiòṅ ad licensiàr-al, lì lò 'l è dvintâ un risć tròp grand esénd ch'i sò ùltim film i n èṅ minga andâ bèṅ. A la serimògna di Academy Award, in dua la Vicky la vins al sò prim Òscar, Niles al và su 'l palc sèg tut imbariàg tulénd-ag la paròla par dir ch'al n gh'à piò al lavōr, faghénd na bruta figùra. La dóna, ch'l'è inamuràda 'd lò, la vrév jutàr-al e Niles, ch'l è sò amìg, al gh śibìs na part pìcula in un film, anc se minga da prutagunìsta. Quànd Norman 'l al sènt dascórar cun sò mujēr, sinténd che par lò 'l è 'n atōr finî, al decìd ad tōr-as la vita.