Aqua

C'l artìcul chè 'l è scrit in Mudnés

L'aqua l'è un lìquid sèinza savôr, sèinza udôr, seinza culôr ch'la sèrv a tótt i animel e i piant d'la Tèra. As peinsa cha'ag-en sien pió ed 1400 million ed kilometer cubic.

L'aqua l'a-s càta in d'i ocèan, in d'al mêr, in d'al giâz, ma anch in d'al nóvli, in d'i fiómm e in d'i lêgh. L'aqua da bávver l'è impurtànt per l'òmm civiliżê. As dis ch'ag-én sia anch sólla Lónna, Mèrt e in d'i eter pianê.

Manéri 'd dir

(EGL) Fer un buś in dl'aqua, (IT) Fare un buco nell'acqua; fallire un obiettivo.
(EGL) Purtèr l'aqua a 'l só mulèin, (IT) Portare l'acqua al proprio mulino; avvantaggiarsi nel proprio.
(EGL) Cuma 'n pès fór 'd aqua, (IT) Come un pesce fuori dall'acqua; non nel proprio ambiente.
(EGL) L'aqua la rangla in dla gronda^[1], (IT) L'acqua scorre nella grondaia.