Yana Buchina

Da Wikipedia.
C'l artìcul chè 'l è scrit in Miranduléś Emiliàn
La fàcia dla Buchina


La Yana Alexandrovna Buchina (Mósca, 7 ad Favràr dal 1992, a s lèś Яна Бучина in Rus) l'è na tenìsta rusa ch'la pista i camp dal sircùit ITF da 'l 2007. L'è élta 168 cm e l'à tacâ a śugàr a siē an.

A gh piàś far dal còmpri e scultàr la mùśica. Al sò alenadōr 'l è Pablo Garcia.

In dla sò caréra la gh l'à cavàda a rivàr a 'l 337śum pòst dla clasìfica, al 17 'd Utóbar dal 2011.

Caréra

La Buchina la śōga al sò prim turnèo WTA in d'l Utóbar dal 2009 a Mósca, cun na carta salvàdga in bisàca, ma la pèrd subìt da la Nadia Petrova par 2-6 0-6. 'L an dòp la gh tórna par far al qualificasiòṅ ma la n i pasa briśa.

A 'l inìsi dal 2011 la tōś part a gl'ITF ad Liòṅ e ad Digiòṅ ma la patìs dū scunfìti da l'Anna Remondina. In Avrìl la śōga dū finàli ITF in Turchìa, vinsénd-an una. In Śugn la pèrd in di quàrt in dal turnèo andalùś ad Pozoblanco, 2-6 4-6 da l'Eleni Daniilidou. La s qualìfica pò in dal WTA ad Baku e lè la fà sudàr a 'l prim tùran l'Elena Vesnina prima 'd cédar sèg par 2-6 6-3 5-7.

In dal 2012 la bat in dal qualificasiòṅ ad Midland (Stat Unî) la Madison Keys par 6-4 6-2 ma pò la pèrd a 'l prim tùran da la Vesna Dolonc. In Avrìl la vins al tìtul d'l ITF Antalya 15 da déś-mila dòlar.

In dal 2013 la tōś part a 'l ITF ad Majórca pardénd in semifinàl da l'itagliàna Anastasia Grymalska par 2-6 6-4 2-6.

Culegamènt estéran