Venerdì 13 parte II - L'assassino ti siede accanto

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Friday the 13th Part 2
Venerdì 13 parte II - L'assassino ti siede accanto
Venerdì 13 2.png
L'Adrienne King in na figùra dal film
Vernardè 13 part II - 'L asasèṅ al t è sintâ darènt
1981
Regia: Steve Miner
Scritùr: Ron Kurz
Atùr: Amy SteelAdrienne KingKirsten Baker
John FureyStuart CharnoWalt GorneyMarta Kober
Müsica: Harry Manfredini
Dürä dal film: 87 minüt
Lengua: Ingléś
Nasiòun/Paèiş: {{{Nasiòun/Paèiş}}}


«
La cònta di mòrt la cuntìnua...»
(Tagline dal film)


Venerdì 13 parte II - L'assassino ti siede accanto (Vernardè 13 part II - 'L asasèṅ al t è sintâ darènt) 'l è 'n film ad scarésa americàṅ dal 1981 ad Steve Miner séguit dal film d'l an prima Venerdì 13.

Al gh'à abû un bèl sucès cumersiàl avénd purtâ a cà da piò ad vint-i-òṅ migliòṅ ad dòlar esénd-an custâ sōl òṅ.

L'Adrienne King, prutagunìsta dla prima pelìcula e l'ùnica ch'l'è scampàda a 'l masèl dla Pamela Voorhees, l'à decìś 'd avér-ag na part anc in dal sequel ma pìcula parchè in alóra a gh'éra 'n manìac ch'al gh dava adòs dabòṅ e lē la gh'iva paùra tant che dòp l'à anc śmis ad far di film par trént'an.

Sunt

Dū méś dòp al masèl ad Crystal Lake, l’Alice (Adrienne King) la próa a tiràr avànti e a 'rfàr-as na vita. Na sira, dòp és'r-as fata na dócia e avér mis su quèl in cuśìna, la vèra 'l frigo e la gh cata dèntar la tèsta tajàda dla Pamela Voorhees (Betsy Palmer), la dóna ch'l'iva cupâ tut i sò amìg in dal campéǵ prima 'd èsar masàda a sò vòlta. La ragàsa la siga par la scarésa ma pròpria in cal mumènt lè un qualchidòṅ al gh insfìlsa un śbragagiàs in dla góla: a s trata ad Jason (Warrington Gillette), al fiōl dasfurmâ in dla ghigna dla Pamela ch'a s cardìva al fus andgâ da pìcul.

Sinc an dòp, in dal Luj dal 1985, un grup nóṿ ad boy-scout al tōś in afìt na cà in un campéǵ davśèṅ a 'l sit in dua i gh'éran stâ i masamènt, un pòst ch'a s pòrta adrē al nóm ad “Camp ad sangṿ”. Pròpria cla sira lè sinc ad chi ragàs lè i vènan cupâ da 'n óm c'n un sac ad juta in tèsta e 'n furcàr in maṅ: Jason Voorhees. Al la scampa sōl la Ginny Field (Amy Steel) dòp na cursa in di bòsc. Ma dal sò muróś Paul (John Furey) e ad Jason a n s sà piò gnint.

Culegamènt estéran