Urdî

Da Wikipedia.
C'l artìcul chè 'l è scrit in Carpśàn Emiliàn
'Na spianèda lunga d' urdî ind un tlèr per tèser di aràs
'Na schematiśasiòun 'dla tramadûra (al nùmer 2 in blù) dal fîl atàc a l' urdî (al nùmer 1 in ròs) in 'na téla

L' urdî u cadèina, in dla tesidûra, l' è cl' insèm urdnè 'd fîl che, lighè un p'r òun cun quī 'dla trâma, i fàn al tisû.

I fîl 'dl' urdî i vìnen lighè al sùbi dedré dal tlèr ed tesidûra, fàt pasèr in mèś al màj di lìs, ai dèint dal pèten per gnîr pò' lighè al sùbi ch' al stà in dal davànti; egl' în chi fîl vertichèl, in dla stèsa diresiòun dal cimōśi ch' i vìnen separè in dū pèrt dai lìs dal tlèr, mèinter che la navèta l' a gh' pàsa da mèś cul fîl edla trâma.

La lunghèsa di fîl 'dl' urdî la s'rà la stèsa 'dla pèsa de stófa ch' a se v'rà tèser, mèinter che la quantitè di fîl mìs in fîla in dal tlèr la fiserà l' altèsa (dìta anca larghèsa) 'dla pèsa.


Vôś lighèdi

Manéri 'd dîr

  • (EGL) Urdîr un quèl, (IT) Ordire, tramare qualcosa.

Culegamèint estèren