Sussurri e grida

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Viskningar och rop
Sussurri e grida
Sussurri e grida.png
La Liv Ullmann e Erland Josephson in na figùra dal film
Susùr e sîg
1972
Regia: Ingmar Bergman
Scritùr: Ingmar Bergman
Atùr: Harriet AnderssonKari SylwanIngrid Thulin
Liv UllmannErland JosephsonLinn UllmannIngrid Bergman
Müsica: Pierre Fournier
Dürä dal film: 91 minüt
Lengua: Śvedéś
Nasiòun/Paèiş: {{{Nasiòun/Paèiş}}}


«
N'esperìnsa dal film ch'la fà 'rmàgnar e ch'la squàsa dèntar.»
(Tagline dal film)


Sussurri e grida (Susùr e sîg) 'l è 'n film dramàtic śvedéś dal 1972 'd Ingmar Bergman, vinsidōr 'd un Prèmi Òscar in dal 1974 par la futugrafìa ad Sven Nykvist e dimóndi àtar in gir p'r al mónd.

Cun al nóm 'd Ingrid von Rosen in dla pelìcula a gh'è anc l'Ingrid Bergman ch'la fà la part dna spedadōra.

Sunt

La pòvr’Agnese (Harriet Andersson) la gh'à 'n brut mâl e l'è drē a murìr. I gh tîṅ adrē al surèli Karin (Ingrid Thulin) e Maria (Liv Ullmann) e la badànta Anna (Kari Sylwan).

I patimènt dl’Agnese i dasquàcian dal tut i prubléma ch'i gh'ènan in dla famìja. La Karin e la Maria i gh'àṅ di cumpurtamènt difarènt quànd i tràtan la surèla ma tuti e dū i s dastàcan facilmènt da lē. Anc cun i marè al ròbi i n vànan minga tant bèṅ. La Karin l'è na dóna fréda ch'la n s cumpatìs ninsòṅ e la n gh'à minga di cuntàt cun Fredrik (Georg Årlin), più vèć ad lē, parchè a gh fà schiva al sès méntar la Maria la n dà minga a mènt, o śò da 'd lè, a Joakim (Henning Moritzen) e la n s fà minga di scrùpui quànd a s trata ad far-'g i còran c'n al dutōr David (Erland Josephson).

L'ùnica parsòna ch'la s tōś a cōr la vita dla malàda l'è l’Anna ch'la la sarvìs da dimóndi an. La gh dà anc al lat cuma s'la fus na putìna, fórsi arcurdànd la sò baghéta mòrta śóvna. Quànd pò l’Agnese la mōr dabòṅ, la badànda la vèṅ mandàda via in quàt'r e quàt'r òt parchè a gh'è da vénd'r al sit.

Al dū surèli i s làsan cuma s'i n fùsan gnanc parénti.

Culegamènt estéran