Stefano Accorsi
|
C'l artìcul chè 'l è scrit in
Miranduléś |
Stefano Accorsi (Bulóggna, 2 ad Mars dal 1971) 'l è 'n atōr itagliàṅ.
'L è stâ cumpagnâ cun l'atōra francéśa Laetitia Casta e al gh'à dū fiōi: Orlando e l’Athena.
Biugrafìa
Nâ a Bulógna in dal 1971, da pìcul al viṿ a Bagnarola, na frasiòṅ ad Bûdri in dla pruvìnsa ad Bulògna insém a i sò genitór. Dòp avér tòlt al diplòma a 'l Liceo Sabin, al s iscrìv a la Scóla ad teàtar ad Bulógna parchè al vliva cuntinuàr a recitàr in dal cinéma cuma 'l iva fat cun na part pìcula in Fratelli e sorelle ad Pupi Avati (1991).
In dal 1992 'l è al prutagunìsta, insém a Andrea Santonastaso, fiól dal còmic Pippo Santonastaso, dal film ad Luigi Zanolio Un posto. In dal 1994 al dvénta pupulàr in televiśiòṅ parchè al gira na reclàm p'r al ślâ "Maxibon": la sò batùda in ingléś macherònic «Dū gust is méj che uan» (Du gust i èṅ méj 'd un sōl) la dvénta un turmintòṅ. In dal 1995 al lavóra p'r i 883 in dal vìddeo ad Una canzone d'amore.
In dal 1996 a riva al sucès cun al film Jack Frusciante è uscito dal gruppo (chi lò 'l éra al chitarìsta di Red Hot Chili Peppers un grup rock americàṅ), trat da 'l umònim rumànś 'd Enrico Brizzi.
In dal 1998 al rècita in dal film Radiofreccia dirèt p'r al cantànt ad Curèś Luciano Ligabue e al vins al prèmi David di Donatello.
Al 2001 'l è pròpria 'n an da ricuràr par lò parchè al gira tri film dimóndi impurtànt: L'ultimo bacio ad Gabriele Muccino (insém a la Giovanna Mezzogiorno e a la Stefania Sandrelli), Le fate ignoranti ad Ferzan Özpetek (insém a la Margherita Buy e a Filippo Nigro), e La stanza del figlio ad Nanni Moretti (insém a la Laura Morante e a Silvio Orlando), ch'i gh dànan la cunsacrasiòṅ ch'al mèrita.
In dal 2002 al vins la Coppa Volpi al Festival ad Venèsia p'r al film Un viaggio chiamato amore ad Michele Placido.
In dal 2007 al tórna a recitàr p'r Özpetek in dal film Saturno contro méntar 'l an dòp al fà la part 'd un prēt pedòfil a teàtar in dal lavór Il dubbio ad Sergio Castellitto.
Durànt al fèstival ad Sanremo dal 2009 al canta Bocca di Rosa ad Fabrizio De André.
In dal 2010 'l è prutagunìsta dla pelìcula Baciami ancora, séguit ad L'ultimo bacio, dirèt incóra par Gabriele Muccino.
Caréra
Teàtar
- 1993 - La Maddalena lasciva e penitente, regìa ad Walter Pagliaro
- 1994 - Gli innamorati del teatro comico, regìa ad Nanni Garella
- 1994 - Sei personaggi in cerca d'autore, regìa ad Nanni Garella
- 1995 - Fagiolino e Biavati caduti dalle nuvole, regìa ad V.Franceschi/G.Comaschi
- 1995 - Ista laus pronativitate et passione domini, regìa ad Nanni Garella
- 1995 - Le donne curiose, regìa ad Walter Pagliaro
- 1996 - Naja, regìa 'd Angelo Longoni
- 2008/2009 - Il dubbio ad John Patrick Shanley, regìa ad Sergio Castellitto
Cinéma
- 1991 - Fratelli e sorelle, regìa ad Pupi Avati
- 1992 - Un posto, regìa ad Luigi Zanolio
- 1994 - Strane storie, regìa ad Sandro Baldoni
- 1995 - Facciamo paradiso, regìa ad Mario Monicelli
- 1996 - Jack Frusciante è uscito dal gruppo, regìa 'd Enza Negroni
- 1996 - Vesna va veloce, regìa ad Carlo Mazzacurati
- 1996 - La mia generazione, regìa ad Wilma Labate
- 1997 - Naja, regìa 'd Angelo Longoni
- 1998 - I piccoli maestri, regìa ad Daniele Luchetti
- 1998 - Radiofreccia, regìa ad Luciano Ligabue
- 1999 - Ormai è fatta!, regìa 'd Enzo Monteleone
- 1999 - Un uomo perbene, regìa ad Maurizio Zaccaro
- 2000 - Capitani d'aprile, regìa ad Maria de Medeiros
- 2001 - Tabloid, regìa ad David Blair
- 2001 - L'ultimo bacio, regìa ad Gabriele Muccino
- 2001 - Le fate ignoranti, regìa ad Ferzan Ozpetek
- 2001 - La stanza del figlio, regìa ad Nanni Moretti
- 2001 - Santa Maradona, regìa ad Marco Ponti
- 2002 - Un viaggio chiamato amore, regìa ad Michele Placido
- 2004 - Ovunque sei, regìa ad Michele Placido
- 2004 - L'amore ritrovato, regìa ad Carlo Mazzacurati
- 2005 - Provincia meccanica, regìa ad Stefano Mordini
- 2005 - Romanzo criminale, regìa ad Michele Placido
- 2006 - Triplice inganno (Les brigades du tigre), regìa ad Jérôme Cornuau
- 2006 - Tutta colpa di Fidel (La faute à Fidel!), regìa ad Julie Gavras
- 2007 - Saturno contro, regìa ad Ferzan Ozpetek
- 2007 - Solo un bacio per favore (Un baiser s'il vous plaît), regìa 'd Emmanuel Mouret
- 2007 - Les deux mondes, regìa ad Daniel Cohen
- 2008 - La jeune fille et les loups, regìa ad Gilles Legrand
- 2008 - Baby Blues, regìa ad Diane Bertrand
- 2009 - Je ne dis pas non, regìa 'd Iliana Lolitch
- 2010 - Baciami ancora, regìa ad Gabriele Muccino
- 2010 - Nous trois, regìa ad Renaud Bertrand
- 2011 - La vita facile, regìa ad Lucio Pellegrini
- 2011 - Tous les soleils, regìa ad Philippe Claudel
- 2011 - Ruggine, regìa ad Daniele Gaglianone
- 2013 - L'arbitro, regìa ad Paolo Zucca
- 2013 - Viaggio sola, regìa dla Maria Sole Tognazzi
- 2014 - La nostra terra, regìa ad Giulio Manfredonia
- 2016 - Veloce come il vento, regìa ad Matteo Rovere
- 2017 - Fortunata, regìa ad Sergio Castellitto
- 2018 - Made in Italy, regìa ad Luciano Ligabue
Televiśiòṅ
- 1995 - Voci notturne, regìa ad Pupi Avati e Fabrizio Laurenti - Miniserie TV ad Rai Uno
- 1999 - Più leggero non basta, regìa 'd Elisabetta Lodoli - Film TV ad Rai Due
- 2000 - Come quando fuori piove, regìa ad Mario Monicelli - Miniserie TV ad Canale 5
- 2002 - Il giovane Casanova, regìa ad Giacomo Battiato - Film TV ad Canale 5
- 2002 - Le ragioni del cuore, regìa 'd Anna Di Francisca, Luca Manfredi e Alberto Simone - Miniserie TV ad Rai Uno