Sonno di ghiaccio

Da Wikipedia.

C'l artìcul chè 'l è scrit in Miranduléś Emiliàn

Chiller
Sonno di ghiaccio

Michael Beck e la Straight in na figùra dal film
Són ad giàs
1985
Regìa: Wes Craven
Scritōr: J.D. Feigelson
Atōr: Michael BeckCraig Richard Nelson
Beatrice StraightAlan FudgeJill Schoelen
Laura JohnsonDick O'NeillPaul Sorvino
Anne SeymourJerry LacyNed Wertimer
Müsica: Dana Kaproff
Léngua: Ingléś
Dürä dal film: 104 minüt
Nasiōṅ: Stat Unî


«
Al mâł al s è daśdâ incóra.»
(Tagline dal film)


Sonno di ghiaccio (Són ad giàs), cgnusû anc cuma “Brividi di ghiaccio” (Śgriśōr ad giàs), 'l è 'n thriller americàṅ dal 1985 ad Wes Craven girâ par la televiśiòṅ.

Sunt

Al śōvan Miles Creighton (Michael Beck) 'l è mis mâł c'n un cànc'r a 'l fégat ch'a n s pōl minga mét'r a pòst, praticamènt a n gh'è gnint da far. Sò màdar Marion (Beatrice Straight) la decìd acsè ad far ślar al sò còrp sprand ch'in na quàlc manéra un dè a s pòsa uperàr-al. Dòp déś an però i machinàri ch'i tîn'n a 'l fréd Miles i daśmétan 'd andàr e 'l sò sarvèl al s déśd' incóra ma 'l mâł 'l è incóra lè. I cirùśic i próan a uperàr-al druànd i mèś dal dè 'd incō e 'l óm al la scampa a fadìga.

Miles al tórna acsè a cà insém a sò màdar tacànd subìt a lauràr in d'l aśiénda 'd famìja dòp avér lasâ a cà 'l vèć aministradōr. Da cal mumènt lè in avànti dla gint a taca a murìr a sò òpra, a pâr che Miles al sia n'atra parsòna dal tut, séns anma. Prima 'l éra gustóś e bòṅ, adès invéci 'l è malmustóś, śgarbâ e vindicatìṿ. La Marion la n fà mènt a gnint, l'è sōl cuntènta ch'al sò fiōl pardû al sia sèg finalmènt.

Sōl quànd pàdar Penny (Paul Sorvino) al finìs a 'l uśdàł e in punt ad mòrt al diś ch'l è stâ Miles, la Marion la s persuàd ch'a gh'è quèl ch'a traśa in sò fiōl.

Culegamènt estéran