Silkwood

Da Wikipedia.

C'l artìcul chè 'l è scrit in Miranduléś Emiliàn

Silkwood
Silkwood

La Meryl Streep e la Cher in na figùra dal film
id.
1983
Regìa: Mike Nichols
Scritōr: Alice Arlen • Nora Ephron
Atōr: Meryl StreepKurt RussellCraig T. Nelson
CherDiana ScarwidFred WardRon Silver
Müsica: Georges Delerue
Léngua: Ingléś
Dürä dal film: 131 minüt
Nasiōṅ: Stat Unî


«
Al 13 ad Nuvémbar dal 1974 la K.S., impiegàda in 'n impiànt nucleàr, la partìs par catàr-as c'n un giurnalìsta dal New York Times. La n è mai rivàda.»
(Tagline dal film)


Silkwood (id.) 'l è 'n film biugràfic americàṅ dal 1983 ad Mike Nichols, candidâ a sinc Prèmi Òscar, ch'al cònta la vita véra dla Karen Gay Silkwood, na dóna impgnàda dimóndi in dal sidacàt, mòrta in dal 1974.

Cal film chè 'l è stâ bòṅ ad far sù da piò ad trénta-sinc migliòṅ ad dòlar, esénd-an custâ sōl déś.

Sunt

La Karen Silkwood (Meryl Streep) la fà l'uperàja e la sindacalìsta in 'n impiànt nucleàr d'l Oklahoma ch'al fà di cumbustìbii p'r al sentràli. I lavuradōr i èṅ sèmp'r a risć ad cuntaminàr-as parchè i vìvan davśèṅ a 'l radiasiòṅ tant che la vècia Thelma Rice (Sudie Bond) la gh finìs dèntar subìt e l'è custréta a far na dócia 'd àcid par lavàr-'s-li via. Ma tut i gh'aṅ paùra a dascórar p'r a n pèrd'r al pòst.

La Karen, ch'la s éra separàda da 'l marè par dal sò questiòṅ ad dròga e ad bévar pēś lasànd-'g i tri fiōi gh'i gh'ìv'n insém, la divìd la cà cun dū sò culéga: al sò muróś Drew Stephens (Kurt Russell) e l'amìga Dolly Pelliker (Cher). Quànd anc in cà sua i s càtan dal trasi radiuatìvi, la decìd ad vudàr al sac c'n un reporter dal New York Times anc s'i sò padròṅ i gh śibìsan ad jutàr-la a pat ch'la taśìs. Dòp avér fat sù dal próvi abàsta, la partìs in màchina ad nòt p'r andàr a catàr al giurnalìsta ma lung la via la mōr in 'n incidènt misterióś.

Culegamènt estéran