Sigàgn

Da Wikipedia.
C'l artìcul chè 'l è scrit in Miranduléś Emiliàn
Na śóvna sigàgna ch'la và in gir dascàlsa cun un putèṅ in bras, in un quàdar ad Bouguereau
Distribusiòṅ di sigàgn in Europa

I sigàgn i èṅ 'n insém ad pòpui ch'i daśvènan da l'Ìndia e ch'i s èṅ stablî in Europa a s pénsa a far data intóran a 'l an mila par scampàr a gl'invaśiòṅ ad Mahmud di Ghazni. Da spés i s móvan da 'n paéś a c'l àtar faghénd na vita da nòmad, purtànd-as sèg al màchini, al roulotte e al caruàni, ma adès a gh 'n è dimóndi ch'i aṅ catâ un pòst fis in du vìvar.

La paròla sigàgn la rivà diretamènt da 'l grèc dna vòlta τσίγγανοι (tsínganoi) ch'l'éra na tribù dl'Anatòglia.

I sigàgn ad léngua romaní i s divìd'n in Europa in:

Quànd i sigàgn i decìd'n al pòst in du star, i téndan a tgnir sémp'r insém la famìja cun tut i parènt, rivànd anc a ssanta parsòni, stand bèṅ aténti 'd a n misćiàr-as minga cun di furastér. In Itâglia i èṅ sòlit fermàr-as in di pòst fis, in dal cà pupulàri o in di apartamènt tirâ sù par lōr da i cumùṅ.

Durànt la secónda guèra mundiàla, i tedèsc i 'n aṅ fat fóra 250.000 in di camp ad cuncentramènt.