Scarpulèin

Da Wikipedia.
C'l artìcul chè 'l è scrit in Carpśàn Emiliàn
N' arcostrusiòun ed butéga 'd scarpulèin 'd na volta ind al muśèo Hjerl Hede ed Denmèrca
Soquànt scarpulèin drē a cuśìr el scherpi in dla só butéga in Bangladesh

Al scarpulèin, ciamê anc savatèin, 'l è cl' artiśàn ch' al fàbrica dal scherpi ch' i 'gh vìnen dmandèdi apósta, e despès al li giùsta anca.
Mèinter che ind un pasê mia dimòndi luntàṅ a s gh' ìva sèimper biśògn dal scarpulèin, ch' a vgnìva còmed fer-egh giustèr el scherpi ròti in dla sóla s' a gh' era gnû un bûś, fer giustèr un tac cunsumê u stachê, che cun dla còla, dal pesi, di ciuldèin a se gh' la cavèva incòri 'd fer-i gnìr nóvi, mo incō 'l è bein piò difìcil 'd purtèr a giustèr chel schèrpi 'd gòma ch' a s sòm abituê a cumprèr in di baśàr e in di merchê; dòunca incō a gh'n è armêś pòc, di scarpulèin, giust per quand a servìs dal scherpi própi a mśùra u anca specièli, e p'r i giustamèint ed soquànti scherpi incòri 'd curàm e pela, quìli piò elegànti.


Vóś lighèdi

Manéri 'd dir

  • (EGL) La sirudèla di tac: Tè te tac i tac, 'm tac't un tac? Mo î't tóc? Mè ch' a taca i tac a tè? Tac't-i tè i tó tac!
  • (IT) Lo scioglilingua dei tacchi: Tu che attacchi i tacchi, mi attacchi un tacco? Ma sei matto? Che io attacchi un tacco a te? Attaccateli te, i tuoi tacchi!

Colegamèint estèren