Rosalba Pippa

Da Wikipedia.

C'l artìcul chè 'l è scrit in Miranduléś Emiliàn


«
Lasciarsi ogni due settimane, bugie per non farmi soffrire ma a volte era meglio morire, sincerità, adesso è tutto così semplice con te che sei l’unico complice di questa storia magica.»
(IT)(Sincerità, 2009)
«
Mulàr-as ògni du stmani, buśìi p'r a n far-um minga patìr ma dal vòlti l'éra méj murìr, sincerità, adès 'l è tut acsè fàcil tèg ch'at sē 'l ùnic ch'l è da la mè banda in cla stòria chè ch'l'è màgica.»
(MUD)


Rosalba Pippa (ma lē l'à sarnî fin da subìt al nóm d'art 'd Arisa, acrònim fat miténd in fila gl'inisiàli di nóm di sò parènt) l'è na cantànta itagliàna nada a Génuva al 20 'd Agóst dal 1982 anc s'la s pōl cunsideràr dla Lucàgna, regiòṅ in du la s è stablìda a na stmana ad vita (preciśamènt a Pignòla).

Biugrafìa

Rosalba "Arisa" Pippa in sal palc ad Sanrémo in dal 2009

Da baghéta la tóś al diplòma a 'l licèo pedagògic ma pò la ś mét a far un pò da tut, sarnénd di mistér cuma la camaréra, la cantànta ad piano bar, la baghéta ch'la tèṅ a drē a i putèṅ, la paruchéra, la dóna dal pulisìi e l'estetìsta.

La vins pò soquànt prèmi minór faghénd la cantànta (in di an 1998 e 1999) e na bórsa ad studi mèntar la stava a 'l CET ad Mogol in dal 2007.

In dal 2009 la và a Sanremo in dla categurìa dal propòsti nóvi cantànd Sincerità, na cansòṅ ad Giuseppe Anastasi (al sò muróś), Maurizio Filardo e Giuseppe Mangiaracina. Arisa la s fà cgnósar bèṅ (cun du ucialòṅ négar in si òć, un rusét ròs viṿ in si làbar e un look ch'al fà gnir in mènt i an Vint) e la vins fra i śóvan e anc al prèmi dla crìtica didicâ a Mia Martini.

Sèmpar in dal 2009 a vèṅ fat n'àlbum umònim par la Warner, cun déś canti dèntar, ch'al riva al quìnt pòst in clasìfica. I àtar sìngui i èṅ Io sono (Mè a sòṅ) e Te lo volevo dire (Mè a t al vliva dir).

'L an dòp la tórna a Sanremo purtànd-as sèg al grup di travistî dal Surèli Marinetti par cantàr Malamorenò (Mabriśalamór). Anc al secónd disc, gnû fóra in cal mèntar, al pòrta al tìtul dla canta ad Sanremo.

In dal 2011 l'è turnàda a cantàr in dla sità lìgura par cantàr in dla sira didicàda a i 150 an dl'Unità d'Itàglia, faghénd un duét cun Max Pezzali p'r al braṅ Mamma mia dammi cento lire (Màdar mìa dà-'m sènt franc).

Discugrafìa

Album

  • 2009 - Sincerità
  • 2010 - Malamorenò

Sìngui

  • 2009 - Sincerità
  • 2009 - Io sono
  • 2009 - Te lo volevo dire
  • 2010 - Malamorenò
  • 2010 - Pace

Culegamènt estéran