Rischiose abitudini

Da Wikipedia.

C'l artìcul chè 'l è scrit in Miranduléś Emiliàn

The Grifters
Rischiose abitudini

La Huston e John Cusack in na figùra dal film
Aviàdi risćióśi
1990
Regìa: Stephen Frears
Scritōr: Jim Thompson • Donald E. Westlake
Atōr: Anjelica HustonJohn CusackPat Hingle
Annette BeningMichael LaskinJimmy Noonan
Stephen TobolowskyJ. T. WalshHenry Jones
Gailard SartainSandy BaronLou Hancock
Jeremy PivenXander BerkeleyCharles Napier
Müsica: Elmer Bernstein
Léngua: Ingléś
Dürä dal film: 119 minüt
Nasiōṅ: Stat UnîCànada


«
Sedusiòṅ, còran, masamènt: chi è'l drē a fargàr chi?»
(Tagline dal film)


Rischiose abitudini (Aviàdi risćióśi) 'l è 'n film dramàtic dal 1990 ad Stephen Frears prudót par Martin Scorsese. 'L è trat da 'l rumànś umònim ad Jim Thompson e 'l è stâ candidâ, sénsa però vìnsar, a quàtar Prèmi Òscar.

Sunt

La Lilly Dillon (Anjelica Huston) l'è na dóna ch'la scumét a "quaciamènt" p'r arbasàr al quòti più élti ch'i èṅ sèmpar di risć par qvéi che pò i gh'aṅ da pagàr-i cuma 'l sò cap, 'l alibradōr Bobo Justus (Pat Hingle). In dal far-al, lì lē la n s fà minga scapàr l'ucaśiòṅ ad śgranfgnàr sèmpar quèl. Anc sò fiōl Roy (John Cusack) 'l è 'n imbrujòṅ ch'al tira avànti faghénd di culpsèṅ. Durànt òṅ ad qvist chè, andâ mâl, al ciàpa na bastunàda in dla pansa ch'la gh fà pèrdar dal sangṿ ad dèntar faghénd-'g adàr via 'l fòrsi.

Quànd la Lilly la 'l và a catàr a Los Angeles, la 'l véd ardùt dimóndi mâl ma par furtùna la gh salva la vita p'r un pēl. A 'l uśdàl la dóna la cgnós la Myra Langtry (Annette Bening), la muróśa ad sò fiōl. Chi lē la n gh fà minga na bèla impresiòṅ tant che pò la dmanda a Roy ad mulàr-la e anc ad tacàr a rigàr drit. In dal méntar la vèṅ però a savér che lò 'l iva scumìs in sna córsa ch'la pagàva 70-1 e cal fat lè al la mét in di guàj cun Bobo ch'al s arlìa sèg e, par far-'g inténdar bèṅ ch'al fà dabòṅ, al gh śmòrsa na cica in sla maṅ tant par tacàr. Na vòlta vgnû fóra da 'l uśdàl, Roy al pòrta la Myra sèg a védar la cursa di cavài.

Culegamènt estéran