Rien ne va plus

Da Wikipedia.

C'l artìcul chè 'l è scrit in Miranduléś Emiliàn

Rien ne va plus
Rien ne va plus

L'Isabelle Huppert in na figùra dal film
Gnint a n và piò
1997
Regìa: Claude Chabrol
Scritōr: Claude Chabrol
Atōr: Isabelle HuppertJean-François Balmer
Michel SerraultFrançois CluzetMony Dalmès
Jean BenguiguiJackie BerroyerGreg Germain
Müsica: Matthieu Chabrol
Léngua: FrancéśUngheréś
Dürä dal film: 104 minüt
Nasiōṅ: FrànciaŚvisra


Rien ne va plus (Gnint a n và piò) l'è na cumèdia śala francéśa e śvisra dal 1997 ad Claude Chabrol, la sò sinquantéśma pelìcula. Al regìsta pariśèṅ 'l à dit che qvésta chè l'è la sò prima òpra biugràfica.

Al film 'l à vins la Choncha 'd òr a 'l Fèstival ad San Sebastian dal 1997 e 'l à purtâ a cà da piò ad quàtar migliòṅ e quàt'r ad dòlar.

Sunt

La Betty (Isabelle Huppert) l'è na trufadōra ch'la pòrta via di bèsi a i óm 'd afâr ch'la cata in di caśinò o in di cungrès. La fà la daśnumóśa sèg, la gh và a lèt, la gh dà la śdòrmia e pò la gh férg' i sòld méntar lōr i pònsan, ma minga tut, la lasa sèmpar quèl in di portafój, la mità, parchè in dla vita a gh'è da cuntintàr-as. Chi lē la lavóra insém a Victor (Michel Serrault), un vèć ad ssant'an ch'l è anc al sò amànt anc s'al gh'à 'l dópi di sò an. Ma a dir-la tuta a n s capìs minga bèṅ s'i fat i staṅ pròpria acsè parchè lò al prév èsar anc sò pàdar, sò fradèl o sōl un sò cumpâr. I dū i gir'n in camper p'r i paéś dla Frància cun la dóna ch'la s mét in cô sèmpar dal pirùchi difarénti p'r a n far-as minga arcgnósar.

Quànd in Śvisra la Betty la véd un sò vèć amànt, Maurice (François Cluzet), i tàc'n i guàj parchè qvést chè adès al lavóra par la màfia e al gh'à da purtàr in di Caràibi na valìś pîna 'd bèsi muśnènt dal sgnōr K. (Jean-François Balmer), sincsènt migliòṅ ad franc francéś.

Culegamènt estéran