Rats
|
C'l artìcul chè 'l è scrit in
Miranduléś |
 Rats
| ||
| Rats | ||
 La Desislava Tenekedjieva in na figùra dal film | ||
| Póndghi 2003 | ||
|---|---|---|
| Regìa: Tibor Takács | ||
| Scritōr: Jace Anderson Boaz Davidson • Adam Gierasch | ||
| Atōr: Eileen Grubba • Desislava Tenekedjieva Sara Downing • Michael Zelniker • Amy Parks Sean Cullen • Ron Perlman • Bailey Chase | ||
| Müsica: Alex Khaskin • Guy Zerafa | ||
| Léngua: Ingléś | ||
| Dürä dal film: 91 minüt | ||
| Nasiōṅ: Stat Unî | ||
Rats (Póndghi) 'l è 'n film ad scarésa dal 2003 ad Tibor Takács.
Al film 'l è stâ prudót da gl'americàṅ dla Nu Image e scrit da Jace Anderson e Adam Gierasch ch'in dal film al gh'à anc na part pìcula, qvéla d'l óm ch'al gh'à da paràr via al póndghi da 'l edifìsi.
Sunt
A Philadelphia, in dal stat dla Pennsylvania, soquànt malâ in dla tèsta, mat e vilî i èṅ curâ in 'n edifìsi malmìs che na vòlta 'l éra na parśòṅ ciamàda Brookdale. Fra i pasiènt a gh'è anc la pòvra Jennifer Lawrence (Sara Downing), na dóna ch'l'à patî dimóndi la mòrt dal fradèl e, par cal mutìṿ lè, l'è cascàda in depresiòṅ e l'à anc pruâ a masàr-as.
Insém a lē i gh'èṅ anc al paranòic Johnny (Bailey Chase), Morgan (Patrick Dreikauss) e la turmintàda Cypress (Desislava Tenekedjieva). Tut qvist chè i vènan catâ mòrt, cun la Jennifer da na banda 'd un cadàvar tuta maciàda ad sangṿ e sénsa memòria.
In dal cantìni dal palàs i s càtan dal póndghi cun di òć rós, catìvi e rabìdi. A s trata ad bèsti tiràdi sù in laburatòri par di esperimènt e ch'i aṅ sèmpar magnâ dal sangṿ umàṅ. Al diretōr d'l istitùt, al dutōr William Winslow (Ron Perlman), 'l è dimóndi in pinsēr.