Qualcuno volò sul nido del cuculo
| C'l artìcul chè 'l è scrit in Miranduléś |  |
| One Flew Over the Cuckoo's Nest | ||
| Qualcuno volò sul nido del cuculo | ||
 La Louise Fletcher e Jack Nicholson in na figùra dal film |
||
| Qualchidòṅ 'l è vulâ in sal gnal dal cuc 1975 |
||
|---|---|---|
| Regia: Miloš Forman | ||
| Scritùr: Ken Kesey • Bo Goldman • Lawrence Hauben | ||
| Atùr: Jack Nicholson • Louise Fletcher • Brad Dourif Danny DeVito • Will Sampson • Christopher Lloyd |
||
| Müsica: Jack Nitzsche | ||
| Dürä dal film: 126 minüt | ||
| Lengua: Ingléś | ||
Qualcuno volò sul nido del cuculo (Qualchidòṅ 'l è vulâ in sal gnal dal cuc) 'l è 'n film dramàtic dal 1975 ad Miloš Forman trat da 'n rumànś ad Ken Kesey.
'L è stâ òṅ di pôc film dla stòria a 'vér vins i sinc Prèmi Òscar più impurtànt tut insém.
Sunt
Al delinquènt Randle Patrick McMurphy (Jack Nicholson), cundanâ a pasàr soquànt an in parśòṅ, al vèṅ mandâ a 'l uśdàl prichiàtric dal Stat ad Sàlem (Òregon) par dascórar cun al Dutōr John Spivey (Dean R. Brooks) par védar s'l è mat dabòṅ o al fà sōl finta. McMurphy al stà a 'l śōg e al taca a far di quèi minga nurmài cuma spudaciàr al madśìni in fàcia a 'n àtar e tōr in gir 'l indianòṅ Bromden, dit "Gran Cap" (Will Sampson). Quànd i n gh faṅ minga védar na partìda ad baseball a la televiśiòṅ al dvénta mat miténd-as còntar la dóna ch'la cmanda al repàrt, la śgnóra Mildred Ratched (Louise Fletcher).
Ma Patrick al cuntìnua listés, dvintànd sèmpar più arvèrs, e al scapa via insìma a na barca rubàda insém a di àtar pasiènt. In séguit al vins tut al sigaréti di malâ a poker cauśànd na casutarìa ch'la gh cósta 'l èsar mis da na banda fra i scalmanâ e al patìs anc 'n elettroshock.
Tulénd eśèmpi da lò, i àtar pasiènt i impàran a cumpurtàr-as da parsòni dgénd liberamènt i sò biśógn, miténd anc al deciśiòṅ a i vōt par decìdar cuśa far, pròpria cuma la fava la Ratched quànd la gh'iva da custrìnś'r-i a parìr i sò vulér, sénsa dar-ag rispèt par gnint.
McMurphy al dvénta amìg cun Billy Bibit (Brad Dourif), un śóvan timuróś ch'al tartàja, e cun 'l indiàṅ che però 'l à capî che Patrick 'l è òṅ ch'al fà finta 'd èsar mat.
Arcgnusimènt
- Prèmi Òscar dal 1976:
- Mijór film a Michael Douglas e Saul Zaentz
- Mijóra regìa a Miloš Forman
- Mijór atōr prutagunìsta a Jack Nicholson
- Mijóra atōra prutagunìsta a Louise Fletcher
- Mijóra senegiadùra minga uriginàla a Lawrence Hauben e Bo Goldman
Culegamènt estéran
Nòti
- ↑ L'infarméra catìva ad „Qualchidòṅ 'l è vulâ in sal gnal dal cuc“ la s pintìs 35 an dòp corriere.it, 4 'd Utóbar dal 2012
