Priscilla - La regina del deserto

Da Wikipedia.

C'l artìcul chè 'l è scrit in Miranduléś Emiliàn

The Adventures of Priscilla,
Queen of the Desert
Priscilla, la regina del deserto

Weaving, Stamp e Pearce in na figùra dal film
Priscilla, la regìna dal deśèrt
1994
Regìa: Stephan Elliott
Scritōr: Stephan Elliott
Atōr: Guy PearceTerence StampHugo Weaving
Bill HunterRebel RussellJune Marie Bennett
Müsica: Guy Gross • Ce Ce Peniston
Léngua: IngléśFilipèṅ
Dürä dal film: 102 minüt
Nasiōṅ: Austràglia


«
L'è turnàda e la pâr dimóndi bèla e scandalóśa cuma sèmp'r in cal vistî nóṿ.»
(Tagline dal film)


Priscilla, la regina del deserto (Priscilla, la regìna dal deśèrt) l'è na cumèdia austragliàna dal 1994 ad Stephan Elliott ch'al l'à anc scrita.

L'è stada preśentàda a 'l 47śum Fèstival ad Cannes in dla sesiòṅ Un Certain Regard e l'à vins al Prèmi Òscar dal 1995 p'r i custùm dand pò vita anc a 'n musical ch'l à fat al sò debùt a Sydney in dal 2006.

Custàda dū migliòṅ ad dòlar a 'l incìrca, la pelìcula la 'n à purtâ a cà da piò ad vint-nóṿ.

Sunt

La Bernadette Bassenger (Terence Stamp), la Mitzi Del Bra (Hugo Weaving) e la Felicia Jollygoodfellow (Guy Pearce) i èṅ i nóm 'd art ad Ralph, 'd Anthony Belrose dit "Tick" e 'd Adam Whitely, un transesuàł e dū drag queen ch'i s śibìs'n in un bar par fnòć ad Sydney. Dòp la mòrt dal cumpàgn dla Bernadette, i tri i partìsan a la vòlta 'd Alice Springs par far un spetàcul a 'l Lasseters Hotel Casino in dua a cmanda l'ex mujér ad Tick.

Cuma mèś ad traspòrt, i tri i tōś'n un vèć turpidòṅ, faghénd-al dvintàr dal culōr dla lavànda quànd prima 'l éra argintâ. Al nóm ch'i sarnìsan par lò 'l è “Priscilla, la regìna dal deśèrt”. Durànt al viàś, cal fèr vèć lè al gh'à un guàst in dal deśèrt austragliàṅ: par furtùna ch'i càt'n un mecànic ch'a gh dà na maṅ, Bob (Bill Hunter).

Culegamènt estéran