Pûnt ed Santiago Calatrava a Rèz

Da Wikipedia.

Artécol in dialèt arzân


I pûnt insém a l' A1 a Rèz în stê progetê da l'architèt spagnōl Santiago Calatrava int l' ambiĵnt dal progèt ed restâver e arnōv ed la zôna 'd ingrès al caşèl ed l' Avtostrêda dal Sōl e 'd la Stasiòun EV ed Rèz ed la lénia ed la ferovéia dal Trēno a Êlta Velocitê ed la Lènia Êlta Velocitê Milân-Bològna.

Al progèt[modifica | mudéfica la surzéia]

Al progèt, che al comûn ed Rèz l'à dê da fêr a l'archtèt Santiago Calatrava, al vèd i pûnt cme sègn impurtânt per dêr valōr a tóta la zôna a nôt ed la sitê.

Al progèt intēr, ch' al ciapa al nòm ed Le Vele, al prevèd, in pió di pûnt, ânch 'na quaciadûra, ch' l' antécipa al futûr, dal caşèl ed l' A1 e la costrusiòun ed la stasiòun ed la lénia ed la ferovéia ed Êlta Velocitê ch' la ciâpa al nòm ed Reggio Emilia AV che, tra l'êter, l'é l'ónica fermêda ed la nōva ferovéia Milân-Bològna.

In tót al còst di 3 pûnt l'é stê ed 35 miliòun 'd Euro.

I pûnt[modifica | mudéfica la surzéia]

I trî pûnt, ch' a 's vèden da divêrs chilômeter ed luntanânsa, a fân pêrt ed l'insèm dal strêdi nōvi ch' unésen Rèz a Bagnōl e cun la pêrt a nôt ed la sitê in dó 's câta, tra l'êter, al pió grôs cèinter industriêl arzân e la zôna dal fēri.

Al pûnt ed mèz, ch' a 's vèd benésim da l' Avtostrêda A1, l'é un pûnt, cun i chêv ed sustègnlighê a un êrch ch' l' al ciâpa da un cò a cl'êtr, in asâr vernişêd 'da biânca lòngh 220 mēter e êlt, in alpûnt mâsim, 50 mēter, lêregh int al piân ed la strêda quêşi 27 mēter e pèiş 4.000 tonelêdi 'd asâr tót saldê.

I pûnt în stê inavgurê al 20 otòber 2007 cun 'na grôsa fèsta cun di cuncêrt e arciâm per ragasōl cun la preşèinsa dal séndech ed Rèz Graziano Delrio la presidèint ed la pruvîncia Sonia Msini e al câp dal gvêren 'd alōra Romano Prodi.

Fotograféi[modifica | mudéfica la surzéia]

Vōs coleghêdi[modifica | mudéfica la surzéia]

Colegamèint d'ed fōra[modifica | mudéfica la surzéia]

Êter progèt[modifica | mudéfica la surzéia]


Nôta: cla pâgina ché l'é stêda inviêda cun 'na tradusiòun da "Ponti strallati di Santiago Calatrava" trâta da it.wikipedia.org.
Guêrda la stôria ed la pâgina uriginêla per cgnòser l'elèinch 'd j autōr.