Orphan

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Orphan
Orphan
Orphan.png
Isabelle Fuhrman ch'la fà l’Esther in dal film
Òrfan
2009
Regia: Jaume Collet-Serra
Scritùr: Alex Mace e David Leslie Johnson
Atùr: Vera FarmigaIsabelle Fuhrman
Peter SarsgaardJimmy Bennett
Müsica: John Ottman
Dürä dal film: 123 minüt
Lengua: Ingléś
Nasiòun/Paèiş: {{{Nasiòun/Paèiş}}}


«
A gh'è quèl ch'a traśa in dl'Esther»
(Tag-line dal film)


Orphan (Òrfan) 'l è 'n film ad scarésa dal 2009 ad Jaume Collet-Serra. Al film, prudót par Leonardo Di Caprio, 'l è gnû fóra in di Stat Unî al 24 ad Luj dal 2009, méntar in Itâglia 'l è stâ distribuî a far data dal 16 'd Utóbar dal 2009.

Sunt

La famìja Coleman la gh'à dèntar un vōd ch'al n s pōl minga impinìr parchè, anc s'i gh'àṅ dū fiōi e i staṅ bèṅ a livèl ad bèsi, 'n abòrt al gh'à lasâ na frida ch'la i fà patìr dimóndi. L'ùnica sulusiòṅ pusìbla la par èsar quéla ad tōr in adusiòṅ la pìcula Esther, na putìna dólsa e inteligìnta ad dód'ś an ch'la i à culpî durànt un gir a 'l urfanutròfi. Na vòlta sèg però i sucèdan di brut quèi e di incidènt spavintóś e tut al vòlti a gh'è sèmpar l'Esther in mèś. I genitōr i tàcar a preucupàr-as e acsè i decìdan 'd andàr a dmandàr dal nutìsi ad lē a 'l urfanutròfi ma ninsòṅ a sà gnint.

Pulèmichi

Pròpria in dal mèntar ch'al film 'l è gnû fóra in si schérum americàṅ, la pelìcula l'à muciâ sù un sac ad pulèmichi par via di argumènt tratâ. Dimóndi asuciasiòṅ ch'i gh'aṅ a cōr al bèṅ di putèṅ dasfurtunâ ch'i èṅ custrét a vìvar in di urfanutròfi i aṅ fat sù 'n sapèl puntànd al dî còntra 'l film dgénd ch'al stramnìs dal paùri e di stereòtip fals in di cunfrònt dl'adusiòṅ, dand acsè la lasa a 'l risć ad lasàr di baghét sénsa genitōr. Chi lōr i s èṅ anc dâ da far par far star fóra la gint da i cìnema ch'i dàvan Orphan[1].

Gl'asuciasiòṅ a favōr di adusiòṅ i s èṅ anc misi in cuntàt cun al presidènt dla Warner Bros., Barry Meyer, dmandànd-ag ad tiràr via da 'l film la fraś «A gh'a da èsar difìcil vlér bèṅ a 'n fiōl adutìṿ a la stésa manéra 'd òṅ di tuo» che la Esther la dgiva a sò pàdar nóṿ. Inóltar 'l è stâ dmandâ che na part di bèsi tirâ sù i fùsan dâ a gl'urfanutròfi ch'i gh'ìvan biśógn e che a la fiṅ dal film a fus śuntâ 'n mesàǵ a favōr di adusiòṅ[2].

Culegamènt estéran

Nòti