Mirasōl

Da Wikipedia.
C'l artìcul chè 'l è scrit in Miranduléś Emiliàn
Un camp cultivâ a Mirasōl


Al Mirasōl (nóm sientìfic Helianthus annuus) l'è na piànta ch'la gh'à 'n cìcclo 'd 'n an e la fà part dla famìja di Asteraceae, cun un fiōr śal dimóndi grand insima.

Al nóm genèric (Helianthus) al daśvèṅ da dū paròli grèchi, “helios” (= sōl) e “anthos” (= fiōr) in riferimènt al fat che cla piànta chè la s prila durànt al dè p'r èsar sèmpar in diresiòṅ dal Sōl, tgnénd a drē a un cumpurtamènt cgnusû cuma eliotrupìśum.

Al gamb al pōl rivàr nurmalmènt a dū mètar 'd altésa (ma anc a tri o quàtar). Al fój i s càtan ad sóta e i èṅ misi da tut al bandi. Al fiōr 'l è cumpòst da dimóndi fiōr mis insém, tut ad culōr śal (dal vòlti, ma briśa da spés, i pōlan èsar anc aràns o maròṅ). Quànd i fiōr i madùran, i dvèntan dal rumèli, par môd ad dir parchè i èṅ pò di frut ad culōr négar o griś.

Da i Mirasōl a s pōl tiràr fóra 'n òli da druàr in cuśìna.