Ma mère

Da Wikipedia.

C'l artìcul chè 'l è scrit in Miranduléś Emiliàn

Ma mère

Louis Garrel e la Huppert in na figùra dal film
Mè màdar
2004
Regìa: Christophe Honoré
Scritōr: Georges Bataille • Christophe Honoré
Atōr: Isabelle HuppertLouis GarrelNuno Lopes
Joana PreissOlivier RabourdinPhilipe Duclos
Emma de CaunesJean-Baptiste Montagut
Theo HakolaPatrick FanikPascal Tokatlian
Müsica: /
Léngua: FrancéśIngléśTedéscSpagnōl
Dürä dal film: 110 minüt
Nasiōṅ: FrànciaPurtugàlÀustriaSpaggna


«
Un viàś in dal fónd dal deśidèri.»
(Tagline dal film)


Ma mère (Mè màdar) 'l è 'n film eròtic e dramàtic dal 2004 ad Christophe Honoré trat da 'l rumànś umònim minga finî ad Georges Bataille. 'L è stâ girâ a Gran Canària cun na prudusiòṅ internasiunàla dla Frància, dal Purtugàl dl'Àustria e dla Spaggna.

'L è stâ preśentâ a 'l Taormina Film Fest dòp c'l éra stâ scartâ a 'l Fèstival ad Cannes par via di sò argumènt scandalóś, la relasiòṅ fra 'n ragàs ad darsèt an e sò màdar ad quarànta-tri.

Sunt

Pierre (Louis Garrel), dòp di an pasâ a vìv'r insém a i sò nunòṅ, p'r al vacànsi in Istâ al và a catàr i sò genitōr ch'i èṅ in sal punt ad divìd'r-as e ch'i s faṅ di còr'n in cuntinuasiòṅ. Quànd sò pàdar (Philippe Duclos) al decìd 'd andàr via, a gh vèṅ 'n asidènt e al mōr.

Al ragàs, ch'al gh'à darsèt an, al s liga sèmpar da piò a sò màd'r Hélène (Isabelle Huppert) che par lò l'è pulìda e na brava dóna in cunfrònt 'd un pàdar ch'invéci al fava scarésa. A n vlénd minga ès'r amàda par qvél ch'la n è minga, chi lē la gh cunfèsa ch'l'è na malnéta stramaladìda e ch'a gh piàś far i quèi più spurcaciòṅ ch'a sa gh sia. Cun l'ajùt dla sò amànta, la Réa (Joana Preiss), l’Hélène la 'l pòrta da la sò banda, faghénd-ag pruàr al sadumàś e 'l insèst andànd a lèt sèg.

Culegamènt estéran