MEMS

Da Wikipedia.
C'l artìcul chè 'l è scrit in Carpśàn Emiliàn
'N àcar edla pòlver ch'al vōl śughèr cun dal rudlèini 'd un sircùit MEMS

La sigla MEMS l'è l'abreviasiòun da 'l ingléś Micro Electro-Mechanical Systems (in itagliàn microsistemi elettromeccanici) e la ciàma acsè i mecanìś'm prodòt da la tecnulugìa dal micruscòpic: el dimensiòun mēdi 'd chi lavōr chè difàti egl'ìn śvèini a 'l micròmeter.
Chi bagàj ultra-cìc chè egl'ìn stē arcgnusû in mèś a 'l tecnulugìi piò vàlidi dal XXI sécol, perchè i prèven cambièr soquànt procês sìa in dal camp industriêl che in quèl di prodòt dal cunsùm. Egl'ìn ed diferèint gèner (mecànic, elètric, eletrònic) integrê in na forma dimòndi miniaturiśèda in sìm'a 'n ùnic substrêt ed silìs, in dû acsè i s mèt'n insèm el propietê elètrichi di semi-cundutōr cun dal propietê opto-mecànichi. Dàintr'a cal spasi tròp ardùt dal micròmeter, chi sistéma "inteligìnt" chè i mèt'n insèm el funsiòun eletrònichi, ed gestiòun di lìquid, dal vèder, biulògichi, chìmichi e mecànichi, p'r unìr insèm tùti el funsiòun ed lavōr di procès.
Al futûr però l'è 'd drē a la porta perchè, al śvilòp edla tecnulugìa al vôl purtèr vèrs i Nano Electro-Mechanical Systems o NEMS, in dùa i mecanìś'm ch'a se vrà andèr a prodùr egl'ìn śvèin a 'l dimensiòun dal nanòmeter.