Mùsla

Da Wikipedia.
C'l artìcul chè 'l è scrit in Carpśàn Emiliàn
'N artràt 'dla Marìa 'Ntonièta cun un vistî 'd mùsla, ch' a gh'ìva piturè la Vigée Le Brun in dal '700

La mùsla l' è 'n tisû ad armadûra tela cun 'na tramadûra piotòst rèda, 'd cutòun alśér, u anca 'd làna u 'd lèin. A gh' è pò anca la mùsla 'd rêś, ch' l' è 'd séda e la gh' à 'na fàcia ch' la lûśa cuma 'n rêś.

D' in dû la deśvîn

Già i grèc antîg i 'mparèven a cgnùser la mùsla dai merchè 'd Mossul (arèint al fiùm Tigri), anca s' la s' tisìva già incòri piò antigamèint in dl' Uriĵnt ed l' India. Marco Polo in dal sô Miliòun al la descrivarà cuma 'na cumpunèinta di vistî di musulmàṅ.

In dû la s' drôva

Incō la mùsla la s' drôva in di tindàģ, in soquànt vistî dimòndi alśér e in 'na quèlc camiśèta. Alśéra e vapurôśa, la mùsla la s' dróva despès anca in di tutù 'dla dànsa clâsica, in dùa l' infìa al 'd sòta di svùj di volàṅ.


Vôś lighèdi

Culegamèint estèren