Lo strano vizio della signora Wardh

Da Wikipedia.

C'l artìcul chè 'l è scrit in Miranduléś Emiliàn

Lo strano vizio della signora Wardh

L'Edwige Fenech in na figùra dal film
Al visi straṅ dla sgnōra Wardh
1971
Regìa: Sergio Martino
Scritōr: Vittorio Caronia • Ernesto Gastaldi
Eduardo Manzanos Brochero
Atōr: Edwige FenechGeorge HiltonManuel Gill
Cristina AiroldiConchita AiroldiIvan Rassimov
Carlo AlighieroAlberto de MendozaMarella Corbi
Müsica: Nora Orlandi
Léngua: Itagliàṅ
Dürä dal film: 98 minüt
Nasiōṅ: ItàgliaSpaggna


«
Î'v lèt qvél ch'è sucès a la pòvra ragàsa sót a la dócia?»
(Tagline dal film)


Lo strano vizio della signora Wardh (Al visi straṅ dla sgnōra Wardh) 'l è 'n śal dal 1971 ad Sergio Martino girâ a Sitges (Catalógna) e a Vièna (Àustria). La fraś ch'a gh'è in sal bijét atàc a i fiōr a 'l mìnut trént'òṅ l'è dvintàda pò 'l tìtul 'd un film sucesìṿ dal regìsta rumàṅ, Il tuo vizio è una stanza chiusa e solo io ne ho la chiave.

La létra "h" l'è stada śuntàda a 'l cugnóm "Ward" sarnî in un prim mumènt quànd na sgnōra itagliàna ch'la s ciamàva Ward dabòṅ l'iva prumìs ad tacàr n'asiòṅ ligàla par diféndar la sò reputasiòṅ. A 'l èstar la pelìcula l'è cgnusùda c'n i tìtui ad “The Strange Vice of Mrs. Wardh” in di Stat Unî, “La perversa señora Ward” in Spaggna, “L'étrange vice de Madame Wardh” in Frància e “Der Killer von Wien” in Germàgna.

Sunt

La Julie Wardh (Edwige Fenech) l'è la mujér d'l ambasadōr Neil (Alberto de Mendoza) ma a chi lò a gh in férga pôc ad lē e dal sò ciòld fis p'r al sadumàś. La dóna la s buta acsè fra i bras ad Jean (Ivan Rassimov) par tgnir adrē a i sò visi ma pò la gh dà 'n taj bandunànd-'s a la cōrt ad George Corro (George Hilton) ch'al gh diś 'd ès'r al cuśèṅ dla sò amìga più granda, la Carol Baxter (Cristina Airoldi).

Ma par la Julie i tàc'n i guàj parchè Jean al la ricàta par turnàr-'g insém, ma lē la n in vōl savēr, e pò a gh'è anc un manìac sesuàl ch'a gh tîṅ adrē.

Culegamènt estéran