Leone di Lernia

Da Wikipedia.
C'l artìcul chè 'l è scrit in Miranduléś Emiliàn


«
Sono andato in Rai per fare una canzone, un sacco di persone che fan la file... Sono andato da Costanzo e mi ha preso con la panza, sono andato da Corrado e nemmeno mi ha guardato, sono andato da Mengacci e mi ha preso sotto bracci, c'era pure Boncompagni e con lui ho fatto il bagni, all'entrata della Rai c'era sempre la Raffai, nel programma di Biscardi si parlava di miliardi, quando ho chiesto di cantar mi han mandato a cag..., di Pippo Baudo c'è n'è uno, tutti gli altri son nessuno...»
(IT)(Pippo Baudo, 1998)
«
A sòṅ andâ a la Rai par far na cansòṅ, un sac ad gint ch'i faṅ la fila... A sòṅ andâ da Costanzo e al m à ciapâ cun la pansa, a sòṅ andâ da Corrado e al n m à gnanc vist, a sòṅ andâ da Mengacci e al m à tòlt sót bras, a gh'éra anc Boncompagni e a-j-ò fat al bagn sèg, a l'entràda dla Rai a gh'éra sèmpar la Raffai, in dal prugràma ad Biscardi a s dascurìva ad migliàrd, quand a-j-ò dmandâ ad cantàr i m aṅ mandâ a cag..., ad Pippo Baudo a gh 'n è òṅ, tut chi àtar i èṅ ninsòṅ...»
(MUD)


Leone di Lernia l'è un cantànt itagliàṅ trash nâ a Trani al 18 'd Avrìl dal 1938. 'L è dvintâ famóś faghéd dal cover dance in manéra demensiàla di braṅ cgnusû. 'L à anc laurâ par dèś an a la raddio, in dla prugràma «Lo Zoo di 105» (dal 1999 al 2008).

Al sò nóm vér 'l è Leonardo di Lernia.

Biugrafìa

Al pugliéś Leone di Lernia al sa stablìs da śóvan a Milàn laurànd p'r un sac ad tèmp cuma cantànt dialetàl còmic in soquànti televiśiòṅ lucàli. In dal 1975 al taca la sò carèra da cantànt cun al sìngul Gaccia ad'ave/Spuosatiella geuvè. In particulàr "Gaccia ad’avè", cover in dialét pugliéś dla famóśa “I gotcha” di Joe Tex, al móstra a tut al sò stil: tór na canta in ingléś cambiànd-ag al tèst cun òṅ di suo, demensiàl e in itagliàṅ o in dialét pugliéś.

In di an Utànta al mucia sù na sèrta pupularità televiśìva miténd-as da drē a i giurnalista inviâ a far i culegamènt da San Siro par 90º Minuto.

In di an Nuànta al partécipa al prugràma radiufònic ad Radio Monte Carlo "Fausto Terenzi Show" insém a Fausto Terenzi e Paolo Dini.

Dal punt ad vista muśicàl, Leone al fa gnir fóra di disc quai Super Leone, Leonemania e Re Leone di Lernia in du a s cata soquànti dal sò cover più famóśi quai: “Ra ri ri ra ra ra, pesce fritto e baccalà” (“Gypsy woman” ad Crystal Waters), “Magnando” (“Bailando” ad Paradisio), “Chille che soffre” (“Killing me softly” di Fugees), “Tu sei ignorante” (“Zombie” di Cranberries), “Uè paparul maccaron” (“Pump up the jam”, di Technotronic), “Te sì mangiàte la banana” (“The rhythm of the night” ad Corona), “Melanzan” (“Turn around”), “Pippo Baudo” (“Think about the way” 'd Ice MC), “Da Como a Lecco” (“Lick it”) e “Giuan” (“Short dick man”), quisti chè dal grup di 20 Fingers.

«
Da Como a Lecco da Lecco in sotto si trova sempre cuss cazz di poliziotto, lo vedo in curva dietro al muretto, è sempre pronto a tirar fuori il suo fischietto...»
(IT)(Da Como a Lecco, 1998)
«
Da Como a Lecco da Lecco in sotto a s cata sèmpar cal cas ad pulisiòt, a'l véd in curva da drē dal murét, 'l è sèmpar prònt a tiràr fóra al sò fisćét...»
(MUD)

In dal 1997 'l è capulìsta dal Lega 'd asiòṅ meridiunàla ch'la sustgnìva Giancarlo Cito cuma candidâ a sìndig ad Milàn ma al vèṅ trumbâ.

In dal 1999 al taca a far la spala in dal prugràma radiufònic "Lo zoo di 105" su Radio105, cundót par Marco Mazzoli, Fabio Alisei, Pippo Palmieri, Wender, Paolo Noise e Gibba. Leone al canta al sò cansòṅ, al fà di parudìi e al s lasa andàr a i sò atàc ad cretinìśia. Dal 6 ad Dicémbar dal 2008 al cundùś "105 Non Stop" insém a Ylenia Baccaro e Max Brigante.

In dal 2006 'l à fat part dal prugràma L'Isola dei Famosi, cundót par Simona Ventura, rimpiasànd Massimo Ceccherini ch'l éra stâ mandâ via p'r avér tirâ dal madóni in traśmisiòṅ.

Discugrafìa

Sìngui

  • 1975 Gaccia ad'ave/Spuosatiella geuvè
  • 1977 Gaccia a te Mariuo'/U fesse 'nnamerate
  • 1979 Sfregamece/Vieni fuori
  • 1983 Padron pensaci tu/Spremi spremi
  • 1989 Ce cule ca tiene
  • 1990 La la li - la la la Pesce fritto e baccalà
  • 1991 Lasciame ste'/Tu si scemo
  • 1992 La fatica non m'ingozza
  • 1992 Tu si pazze/chi ruba
  • 1994 Salut'm a Sord/Voglio fare tanti soldi
  • 1997 Cio'...Los...Tress/Bailando (Magnando)

Àlbum

Cuma Leone Di Lernia e la sua new rock band:

  • 1975 Leone Di Lernia e la sua new rock band - Canzoni rock tranesi
  • 1976 Leone Di Lernia e la sua new rock band

Cuma Leone di Lernia

  • 1979 La pugliata
  • 1980 MotorLover - Il rock del re delle puglie - racòlta
  • 1983 Padron pensaci tu
  • 1984 Disco
  • 1984 Americanpuglia
  • 1984 Compilation - I successi di Leone Di Lernia - racòlta
  • 1990 Barhouse Music
  • 1991 Barhouse Music 2
  • 1991 Gran Barhouse - Il meglio di... Leone Di Lernia - racòlta
  • 1992 Leone Super Dance
  • 1993 Disco Hauz
  • 1993 Il (meglio) peggio di Leone di Lernia - racòlta
  • 1994 Leonemania
  • 1994 Salut'm a Sord
  • 1996 Leonlatino
  • 1997 SuperLeone - Cio'...Los...Tress
  • 1997 Fesso... e tutto il resto
  • 1998 Re Leone Di Lernia
  • 1998 Leonestate
  • 1999 Leone superstar - I grandi successi di Leone di Lernia - racòlta
  • 2000 Giubileone
  • 2000 Leone 2000
  • 2001 Il Gran Porcello
  • 2002 Zizzaniaman
  • 2002 Porcello 2 - Il ritorno
  • 2003 Zizzaniaman 2 + Il meglio dello zoo di 105
  • 2004 The Best of the Bestia - Trash compilation - racòlta
  • 2004 Un Leone su Marte
  • 2004 Sfigato
  • 2005 Leone D'oro - Il peggio di Leone di Lernia - racòlta
  • 2006 Casa di Lernia
  • 2006 Ma che figo sono con Auz Triccaballac
  • 2006 L'isola dei leoni - racòlta
  • 2007 Squich
  • 2007 Si nu baccalà
  • 2008 Leone Best 2008 - racòlta
  • 2009 Leone di Lernia contro tutti
  • 2010 Fuori o Dentro lo Zoo?

Culegamènt estéran