La teta y la luna

Da Wikipedia.

C'l artìcul chè 'l è scrit in Miranduléś Emiliàn

La teta y la luna

Un śbrudlòṅ Biel Durán in na figùra dal film
La téta e la luna
1994
Regìa: Juan José Bigas Luna
Scritōr: Juan José Bigas Luna • Cuca Canals
Atōr: Biel DuránMathilda MayJavier Bardem
Laura MañáMiguel PovedaGérard Darmon
Genís SánchezAbel FolkXavier Massé
Victoria LeporiXus EstruchJordi Busquets
Müsica: Nicola Piovani
Léngua: SpagnōlCatalàṅFrancéś
Dürä dal film: 100 minüt
Nasiōṅ: Spaggna


«
Na stòria cun dimóndi amōr, dimóndi luna e téti grôsi.»
(Tagline dal film)


La teta y la luna (La téta e la luna) 'l è na cumèdia dal 1994 ad Juan José Bigas Luna vinsidōra dal cōr 'd òr a 'l Fèstival ad Mons dal 1995.

'L è stâ preśentâ a 'l 51śum Fèstival ad Venèsia.

Tgnénd a drē a quél ch'al diś al crìtic dal cìnema Morando Morandini, qvést chè 'l è 'l prim film, tòlt via qvéi pòran, ch'al gh'à la paròla téta in dal tìtul. Al persunàǵ ad Maurice al tōś ispirasiòṅ da la figùra d'l atōr Joseph Pujol, dit “Al scurśòṅ”.

Sunt

Al putèṅ catalàṅ Tete (Biel Durán) 'l è dimóndi śò parchè al n è minga bòṅ ad muntàr insìma a 'l castèl umàṅ par far la punta (rōl ciamâ "anxaneta"). Inóltar a gh'è anc nâ 'n fradèl pìcul e sò màdar (Laura Mañá) la gh'à òć sōl par lò.

Al sò cumplès 'd Edipo, minga superâ, al gh fà crésar la vója dla téta e 'l baghét al và fóra ad tèsta quànd al cgnós la balarìna francéśa Estrellita (Mathilda May), una ch'la gh i à bèli grôsi. Dòp avér-ag rigalâ na rana, chi lē la 'l fà cuntènt faghénd-ag bév'r al sò lat e lò al manda śò incòsa ad gust.

Tete al gh'à però da far i cònt c'n al marè ad lē, 'l artìsta scurśòṅ Maurice (Gerard Darmon), e anc cun al sò amànt, al letricìsta Miquel (Miguel Poveda) ch'l è anc un cantànt ad flaméngo. Quànd faghénd 'n incidènt in mòta a mōr òṅ di sò amìg, Stallone (Genis Sanchez), la ragasōla, ch'la gh'à 'n débul p'r al feticìśum, la decìd 'd andàr a lèt cun Miquel.

Culegamènt estéran