La terza mano
|
C'l artìcul chè 'l è scrit in
Miranduléś |
 Schizo
| ||
| La terza mano | ||
 La Lynne Frederick in na figùra dal film | ||
| La tèrsa maṅ 1976 | ||
|---|---|---|
| Regìa: Pete Walker | ||
| Scritōr: David McGillivray | ||
| Atōr: Lynne Frederick • John Leyton • John Fraser Stephanie Beacham • Jack Watson • Robert Mill Queenie Watts • Trisha Mortimer • Paul Alexander | ||
| Müsica: Stanley Myers | ||
| Léngua: Ingléś | ||
| Dürä dal film: 109 minüt | ||
| Nasiōṅ: Régn Unî | ||
La terza mano (La tèrsa maṅ) 'l è 'n film ad scarésa dal 1976 ad Pete Walker ch'al 'l à anc prudót.
Ólt'r a 'l tìtul ad “Schizo”, 'l è cgnusû in ingléś anc cuma “Amok” e “Blood of the Undead” mént'r a 'l èstar i al ciàman “Esquizofrenia” in Spaggna, “Traumas” in Purtugàl e “I skräckens våld” in Śvèsia.
La prutagunìsta Lynne Frederick l'è mòrta śōvna a trént'nóṿ an e l'è cgnusùda p'r èsar stada l'ultma mujér ad Peter Sellers. Inóltar l'à girâ anc 'n epiśòdi dla secónda série dal telefilm Spasi 1999, Vindrus, faghénd la part dla Shermeen Williams.
Sunt
La Samantha Gray (Lynne Frederick), campiunésa 'd patinàǵ in sal giàs, la gh'à da spuśàr-as cun Alan Falconer (John Leyton). La nutìsia la finìs in si giurnài e 'l ex amànt ad sò màdar Maria (Wendy Gilmore), William Haskin (Jack Watson), al s arlìa dimóndi sèg parchè soquànt an prima 'l éra finî in parśòṅ p'r avér cupâ la sò pràtica ch'la 'l tulìva in gir parchè al gh'iva 'l mâł dla lumàga, cun la Samantha, in alóra baghéta, ch'l iva vdû incòsa. 'L óm, adès lìbar, al s mét in viàś par far-'g-la pagàr.
La ragàsa, ch'l'è sicùra che lò al la vója cupàr, la cònta tut a 'l psicòlug Lenny (John Fraser) ma 'n qualchidòṅ al gh taja la góla méntar lò 'l è drē a turnàr a cà in màchina.