La morte dietro la porta

Da Wikipedia.

C'l artìcul chè 'l è scrit in Miranduléś Emiliàn

Deathdream o anc Dead of Night
La morte dietro la porta

Richard Backus in na figùra dal film
La mòrt da drē da 'l us
1972
Regìa: Bob Clark
Scritōr: W.W. Jacobs • Alan Ormsby
Atōr: Richard BackusJane DalyLynn Carlin
Henderson ForsytheMal JonesJohn Marley
Anya OrmsbyMichael MazesArthur Anderson
Arthur BradleyVirginia CortezAlan Ormsby
Müsica: Carl Zittrer
Léngua: Ingléś
Dürä dal film: 88 minüt
Nasiōṅ: CànadaRégn Unî


«
Un quèl ch'a n s pōl gnanc numinàr 'l è turnâ a cà.»
(Tagline dal film)


La morte dietro la porta (La mòrt da drē da 'l us) 'l è 'n film ad scarésa canadéś dal 1972 ad Bob Clark, al regìsta ad Porky's, ch'al tōś ispirasiòṅ da 'l racònt cic The Monkey's Paw ad W.W. Jacobs. 'L è stâ girâ a Brooksville in Flòrida spendénd 235.000 dòlar a 'l incìrca.

In di Stat Unî 'l è gnû pò fóra in dal sali sōl dū an dòp, in d'l Agóst dal 1974.

Sunt

Durànt la guèra in Vietnam, al suldâ americàṅ Andy Brooks (Richard Backus) al patìs na sćiuptàda ch'la 'l fà cascàr śò par tèra. Méntar 'l è drē a murìr, prima 'd saràr i sò òć, al sènt in tèsta la vóś ad sò màdar Christine (Lynn Carlin) ch'la gh siga «Andy, tè at turnarà a cà, at gh'à da far-al, 't 'l à prumìs». Soquànt tèmp dòp la sò famìja la ricév la nutìsia dla sò mòrt in cumbatimènt. Al pàdar Charles (John Marley) e sò surèla Cathy (Anya Ormsby) i tàc'n a piànśar ma la Christine la s arlìa sèg parchè la n pōl briśa crédar ch'a sia véra. Cla nòt lè però qualchidòṅ al busa a 'l us: a s trata pròpria 'd Andy cun la sò unifórm adòs ch'l è turnâ a cà saṅ c'm un còran, a pâr ad védar. La famìja la 'l tōś dèntar cun un péś in méno in sal cōr, cardénd pròpia ch'l eśèrcit al s fus sbaliâ a scrìv'r 'n al nóm.

In di dè ch'i vènan, Andy al taca a cumpurtàr-'s in na manéra strana, al s pasa 'l tèmp sénsa far gnint, sintâ in sna scrana, e miténd-'s adòs di uciài nég'r anc ad dè. In cal méntar la pulisìa dal pòst la taca a indagàr su 'l umisìdi 'd un camiunìsta catâ cun la góla tajàda e sénsa sangṿ. Chi lò, prima 'd èsar cupâ, 'l iva dit 'd avér dâ 'n pasàǵ a 'n suldâ ch'l éra drē a far 'l autostop.

Ad nòt a Andy a gh vèṅ vója ad móv'r-as e ad dar-as da far e a gh'è 'n mutìṿ: al sò còrp 'l è mòrt, mars pódag e sénsa sangṿ viṿ dèntar, e par scampàr al śóvan al gh'à da far dal trasfuśiòṅ da spés, masànd dla gint. Ma la sò pèla la dvénta piàn piàṅ vècia listés.

Culegamènt estéran