La morte bussa due volte

Da Wikipedia.

C'l artìcul chè 'l è scrit in Miranduléś Emiliàn

Blonde Köder für den Mörder
La morte bussa due volte

L'Hélène Chanel in na figùra dal film
La mòrt la busa dū vòlti
1969
Regìa: Harald Philipp
Scritōr: Max Pierre Schaeffer • Mario di Nardo
Sergio Garrone • Harald Philipp
Atōr: Fabio TestiDean ReedIni Assmann
Leon AskinWerner PetersRiccardo Garrone
Mario BregaHélène ChanelFemi Benussi
Anita EkbergAdolfo CeliRenato Baldini
Müsica: Piero Umiliani
Léngua: Tedésc
Dürä dal film: 95 minüt
Nasiōṅ: Germâgna ÒvestItàglia


«
Al delìt al n paga mai... o dagnóra.»
(Tagline dal film)


La morte bussa due volte (La mòrt la busa dū vòlti) 'l è 'n film śal dal 1969 'd Harald Philipp trat da 'n rumànś ad Max Pierre Schaeffer da 'l tìtul “Falle für einsame Herzen” (Trapla par di cōr sulitàri).

A 'l èstar 'l è cgnusû cuma “Death Knocks Twice” o anc “The Blonde Connection” in di Stat Unî, “Marq dobar dar mizanad” in Iràn e “La mort sonne toujours deux fois” in Frància.

Sunt

Francesco Villaverde (Fabio Testi) 'l è 'n śuvnòt pîṅ ad bèsi, cun na vila in sal mâr, amànt dla pitùra e spuśâ cun la Maria (Nadja Tiller). Na nòt però al s divertìs listés in spiàgia cun la mujér dal sgnōr Simmons (Renato Baldini), la Lois (Femi Benussi), e pò, méntar 'l è drē a far 'l amōr sèg, al la masa sénsa savēr ch'un bagnèṅ dal stabilimènt „Sole e Mare“, Riccardo Beni (Mario Brega), 'l à vdû incòsa, acsè cuma òṅ di pruprieràri, Amato Locatelli (Riccardo Garrone), sòci ad Charly Hollmann (Werner Peters). Prima ad turnàr in di Stat Unî cun la sò muróśa Ellen Kent (Ini Assmann), al milurdèṅ Bob Martin (Dean Reed), cun 'l ajùt ad Pepe Mangano (Leon Askin), al s fà càrag 'd andàr-'g a fónd dascurénd anc cun la pulisìa.

Méntar Francisco al fà na móstra di sò quàdar, a gh 'n è anc òṅ cun la figùra dla Lois ch'la pèrd la vita, i rìvan lè la Sophia Ferretti (Anita Ekberg) e 'l "prufesōr" (Adolfo Celi) ch'i vól'n indrē i sènt-mila dòlar ch'i ìvan dâ in prèst a Charly. Chi n fà minga a mōd al fà pò 'n incidènt in màchina, la cònta lē. Par pagàr al dèbit, Amato al vrév véndar la culàna ch'la gh'iva adòs la Lois quànd l'è mòrta ma la n s cata piò parchè Riccardo al l'à dada a la barìsta, l’Angela (Hélène Chanel). Cal śgarb chè al gh cósta câr parchè Amato 'l al cópa andànd-'g adòs cun la màchina. Bob al vèṅ a savēr da 'l dutōr Martinez che da śōvan Francesco 'l éra stâ in clìnica parchè 'l éra stâ plagiâ par na dóna che pò l'à cupâ mént'r i éran drē a far sès.

Culegamènt estéran