La finestra della camera da letto

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg The Bedroom Window
La finestra della camera da letto
Finestra della camera da letto.png
L'Isabelle Huppert e Steve Guttenberg in na figùra dal film
La fnèstra dla cambra da lèt
1987
Regia: Curtis Hanson
Scritùr: Anne Holden • Curtis Hanson
Atùr: Steve GuttenbergIsabelle HuppertElizabeth McGovern
Paul ShenarCarl LumblyWallace ShawnFrederick Coffin
Müsica: Michael Shrieve • Patrick Gleeson • Spencer Proffer
Dürä dal film: 112 minüt
Lengua: Ingléś


«
Al segrét ch'i s spartìsan 'l i farà divìdar.»
(Tagline dal film)


La finestra della camera da letto (La fnèstra dla cambra da lèt) 'l è 'n thriller dal 1987 ad Curtis Hanson.

Al film 'l à muciâ a i butghèṅ dódas migliòṅ e siē ad dòlar.

Sunt

Terry Lambert (Steve Guttenberg) al gh'à na relasiòṅ cun la mujér dal sò cap Collin Wentworth (Paul Shenar), la Sylvia (Isabelle Huppert). Na nòt la dóna la véd par la fnèstra dla cambra da lèt un qualchidòṅ ch'al dà adòs ad brut a la Denise (Elizabeth McGovern). A n psénd minga andàr a cuntàr qvél ch'l'à vdû a la pulisìa, o sinò a saltarév fóra ch'l'à fat i còran a sò marè, lì lē la cònta incòsa a Terry ch'in cal méntar 'l éra drē a far-as na dócia. Chi lò al s śibìs 'd andàr lò a testimugnàr a 'l sò pòst. Sèmpar cla nòt lè a mōr anc n'atra dóna, a pōl èsar dònca ch'a gh sia un manìac sesuàl in gir.

Dòp che Terry al cònta i fat cum i èṅ andâ, in parśòṅ a gh finìs acsè un tisi c'n i cavìi rós, Carl Henderson (Brad Greenquist), ma la pulisìa la gh'à listés di suspèt anc su 'd lò. A 'l prucès 'l avucàt ad Carl al fà a mènt che Terry al pòrta 'l lénti a cuntàt parchè al gh véd pôc e dònca al fà fadìga a dir ch'l àppia vdû dabòṅ qvél ch'è sucès cla nòt là. Par Lambert al ròbi i s métan mâl.

Culegamènt estéran