La casa dalle finestre che ridono

Da Wikipedia.

C'l artìcul chè 'l è scrit in Miranduléś Emiliàn

La casa dalle finestre che ridono

Capolicchio e Gianni Cavina in na figùra dal film
La cà da 'l fnèstri ch'i rìdan
1976
Regìa: Pupi Avati
Scritōr: Pupi Avati • Antonio Avati
Gianni Cavina • Maurizio Costanzo
Atōr: Lino CapolicchioFrancesca Marciano
Gianni CavinaVanna BusoniPina Borione
Bob TonelliAndrea MatteuzziGiulio Pizzirani
Pietro BrambillaFlavia GiorgiCarla Astolfi
Müsica: Amedeo Tommasi
Léngua: Itagliàṅ
Dürä dal film: 106 minüt
Nasiōṅ: Itàglia


«
Incō a-j-ò fat un ritràt a cla śmacàda là méntar l'éra drē a carpàr.»
(Tagline dal film)


La casa dalle finestre che ridono (La cà da 'l fnèstri ch'i rìdan) 'l è 'n film ad scarésa dal 1976 ad Pupi Avati ch'l à vins a 'l prèmi dla crìtica a 'l Festival du Film Fantastique ad Parì dal 1979.

Al film 'l è stâ girâ in dla campàggna emigliàna dal Fraréś e dal Bulgnéś, preciśamènt a Cmać (in sal Po) e a Mnêrbi. La cà da 'l fnèstri ch'i rìdan la s catàva a Malalbêrg ma adèsa la n gh'è piò.

Sunt

Stefano (Lino Capolicchio), un śóvan ristrauradōr, al ciàpa 'l incàrag da 'n nâṅ pîṅ ad bèsi, al sìndic Solmi (Bob Tonelli) 'd un paiśèṅ dal Fraréś, ad mét'r a pòst al dipìnt ad San Sebastiàṅ ch'al s cata in sal mur dla céśa, fat da 'n pitōr naïf méś mat (Buono Legnani) ch'al s éra masâ quarànt'an prima. Chi lò 'l éra arcgnusû p'r èsar al "pitōr di angunìi" par via dal sò ciòld fis ad tōr śò la gint in sal punt ad murìr.

Stefano al taca a lauràr cun un prevòstar sèg (Eugene Walter) ch'al gh dà na maṅ. Durànt i lavōr al gh telèfuna al sò amìg Antonio Mazza (Giulio Pizzirani) ch'al gh diś ch'l à capî incòsa, ch'al sà di quèi spavintóś a prupòśit dna cà vècia ciamàda „la cà da 'l fnèstri ch'i rìdan“. Ma al n fà briśa in tèmp a cuntàr-ag tut parchè a sucéd ch'al s buta śò par na fnèstra, 'l è quél ch'al diś al sìndic. Al ristrauradōr al créd invéci ch'a sia stâ qualchidòṅ àtar a dar-'g un cuć. Inóltar al vèṅ a savér ch'al pitōr al vivìva insém a 'l sò dū surèli, andànd-ag anc a lèt. In cal méntar un tisi al gh telèfuna dgénd-ag al śluntanàr-as subìt da là o pèś par lò.

Culegamènt estéran