LaTour

Da Wikipedia.
C'l artìcul chè 'l è scrit in Miranduléś Emiliàn
Al muśicìsta William LaTour tòlt śò in dal 2011


«
Have you noticed that people are still having sex? All the denouncement had absolutely no effect, parents and counsellors constantly scorn them but people are still having sex and nothing seems to stop them. Do you realise that people are still having sex? They’ve been told not to, perhaps they are perplexed, when you see them holding hands they’re making future plans to engage in the activity, do you understand?»
(EN)(People Are Still Having Sex, 1991)
«
Iv nutâ ch'la gint l'è incóra a drē a far dal sès? Tut al denùnci i n gh'aṅ pròpria briśa abû efèt, i genitōr e i cunsulènt i i disprèsan ma la gint l'è incóra a drē a far dal sès e gnint a par ch'a pòsa farmàr-i. A n rénd-at minga cònt ch'la gint l'è incóra a drē a far dal sès? I aṅ dit 'd a n far-al minga, fórsi i èṅ parplès, quànd 't i véd tgnir-'s par maṅ i èṅ drē a far di piàṅ p'r al futùr par far dal ròbi, à't capî?»
(MUD)


LaTour 'l è al nóm 'd al prugèt muśicàl ad William LaTour, cgnusû anc cuma Bud LaTour, muśicìsta ch'al s dà da far in soquànt gènar difarént, da la house, a la dance a 'l punk.

Al nóm LaTour al s è fat cgnósar specialmènt a 'l inìsi di an Nuànta quànd 'l à fat catàr in di negòsi al sìngul dance People Are Still Having Sex (35śum pòst in dla clasìfica americàna) e quànd al sò braṅ strumentàl Blue 'l è stâ druâ in dal film ad Paul Veroheven Basic Instinct cun la Sharon Stone.

'L à fat gnir fóra anc dū àlbum: LaTour (1991) e Home on the Range (1993).

In dal 1997 William LaTour, cun un grup ciamâ Muzloh, al fà gnir fóra al disc rock Supersonic Gold. 'L è stâ anc al tasterìsta dal grup punk ad Chicago cgnusû cuma The Squids e sèg 'l à rigistâ soquànt disc, tut gnû fóra da 'l 1990 a 'l 2005.

Discugrafìa

Sìngui

  • 1991 - People Are Still Having Sex
  • 1991 - Blue
  • 1991 - Cold
  • 1991 - Involved
  • 1992 - Blue
  • 1993 - E
  • 1993 - Craziaskowboi
  • 1993 - Hypomania

Àlbum

  • 1991 LaTour
  • 1993 Home on the Range
  • 1997 Supersonic Gold cuma Muzloh
  • 2000 4 Floors Of Whores - The Squids Collection cuma The Squids

EP

  • 1996 The Project E.P.
  • 1996 RUSH 2112 cuma The Squids

Culegamènt estéran