L'anniversario

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg The Anniversary
L'Anniversario
Anniversario.png
La Bette Davis in na figùra dal film
’L aniversàri
1968
Regia: Roy Ward Baker
Scritùr: Jimmy Sangster • Bill MacIlwraith
Atùr: Bette DavisSheila HancockChristian Roberts
Jack HedleyJames CossinsElaine TaylorTimothy Bateson
Müsica: Philip Martell
Dürä dal film: 95 minüt
Lengua: Ingléś
Nasiòun/Paèiş: {{{Nasiòun/Paèiş}}}


«
Òṅ 'l à śibî dal sès... òṅ 'l à masâ c'n al sès... òṅ 'l à fat c'l àtar sès - e una la i tîṅ 'd òć cun 'n òć ad vēdar par cuma i s daṅ adòs 'l un cun c'l àtar!»
(Tagline dal film)


L'Anniversario (’L aniversàri) 'l è na cumèdia négra ingléśa dal 1968 ad Roy Ward Baker. L'è stada trata da n'òpra teatràla ad Bill MacIlwraith e l'è stada giràda par qvéi dla Hammer Films e dla Seven Arts.

Sunt

La sgnóra Taggart (Bette Davis), cuma tut i an, al dè d'l aniversàri dal sò matrimòni la ciàma a cà sua tut i sò fiōi, anc se però sò marè, ch'la n s psiva briśa cumpatìr, 'l è bèla mòrt da déś an. Chi lē la i tîṅ sèmpar schis, da la sò bóca i vènan fóra dal batùdi catìvi e pò la gh'à un śguàrd ch'la fà vgnir i śgriśōr anc se fat cun 'n òć sōl parchè la gh 'n à òṅ ad vēdar briśa bòṅ par védar, anc parchè lē la 'l quàcia cun na fasōla p'r i òć.

Quànd i rìv'n a cà, lē la dasquàcia i rigài e pò la gh 'n à part tut. Henry (James Cossins) 'l è tìmid e al s vistìs da dóna, Terry (Jack Hedley) 'l è 'l ùnic spuśâ méntar Tom (Christian Roberts) 'l è 'n bric arvèrs ch'l è drē a dvintàr un ragàs-pàdar. I ùltim dū i próan a tajàr i pònt cun sò màdar ma a n è minga fàcil tgnir-ag tèsta. Terry al vrév spatinàr in Cànada cun sò mujér Karen (Sheila Hancock) e i sò sinc fiōi méntar Tom al vrév che lē la tulìs vluntéra in famìja la sò muróśa Shirley (Elaine Taylor).

Culegamènt estéran