L'adolescente

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg Une vraie jeune fille
L'adolescente
Adolescente.png
La Charlotte Alexandra in na figùra dal film
La baghéta ch'la crés
1976
Regia: Catherine Breillat
Scritùr: Catherine Breillat
Atùr: Charlotte AlexandraHiram KellerBruno BalpRita Maiden
Müsica: Mort Shuman
Dürä dal film: 94 minüt
Lengua: Francéś


«
Un viàś sureàl in dal sès di śóvan ch'i crésan.»
(Tagline dal film)


L'adolescente (La baghéta ch'la crés) 'l è 'n film eròtic francéś dal 1975 dla Catherine Breillat, chè a 'l sò debùt. La pelìcula l'è pò vgnuda fóra sōl in dal 1999.

Al film al tōś ispirasiòṅ da 'l quàrt rumànś dla Breillat, vgnû fóra in Frància cun al tìtul ad Le Soupirail.

Sunt

L’Alice Bonnard (Charlotte Alexandra) l'è na ragasōla ad quìnd'ś an ch'la và a 'l licèo. In d'l Agóst dal 1963 la decìd ad pasàr al sò vacànsi 'd Istâ a cà di sò genitōr in Achitàgna. Chi lōr i s dróan al sò tèmp laurànd e guardànd la televiśiòṅ.

Da par lē, cun na màdar vilìda (Rita Maiden) e 'n pàdar (Bruno Balp) gréś cuma la śmalta, la scriv qvél ch'a gh sucèd e i sò sentimènt in un diàri, sénsa daśmindgàr-'s i fat ligâ a 'l sès, anc parchè lē l'è dimóndi spurcaciòna e a gh piàś giràr in bicicléta sénsa mét'r-as al mudàndi adòs.

Quànd a riva lè al śóv'n e bèl Pierre-Evariste Renard (Hiram Keller), dit "Jim", ch'al taca a lauràr par sò pàdar, chi lē la ciàpa na còta par lò ma a n gh'è vèrs parchè al gh'à bèla la muróśa.

Culegamènt estéran