In-Grid

Da Wikipedia.
C'l artìcul chè 'l è scrit in Miranduléś Emiliàn


«
Tu m'as promis le cheval ailé que j'ai jamais eu, tu m'as promis le fil d'Ariane mais tu l'as coupé, tu m'as promis les notes de Mozart pas des plats cassés, tu m'as promis d'être ta reine, j'ai eu pour sceptre un balai. Tu m'as promis et je t'ai cru, tu es foutu. Je ne sais pas ce qui se passe mais je sais pourquoi on m'appelle "mademoiselle pas de chance".»
(FR)(Tu es foutu (tu m'as promis), 2002)
«
At m à prumìs al cavàl alâ ch'a n ò mai abû, at m à prumìs al fil dl'Arianna ma 't 'l à tajâ, at m à prumìs al nòti ad Mozart minga 'l rumōr di tónd rót, at m à prumìs ch'a sarés stada la tò regìna e a-j-ò abû na masarìna cuma bastòṅ dal cumànd. At m à prumìs e a t ò cardû, at sē futû. A n sò minga cuś a sucéd ma a sò parchè i m ciàman "śgnurìna dasfurtùna".»
(MUD)


La Ingrid Alberini, in art In-Grid (Guastâla, 11 ad Setémbar dal 1978), l'è na cantànta arśàna ad mùśica dance, cgnusùda specialmènt p'r i sò sucès cantâ in léngua francéśa, in particulàr la canta dal 2002 Tu es foutu (tu m'as promis).

La In-Grid tòlta śò al 2 'd Agóst dal 2007 in Pulògna

Biugrafìa

Al sò nóm al gh'è stâ dâ in unór dl'atóra śvedéśa Ingrid Bergman da i sò genitōr ch'i gh'ìvan un cìnema.

Dimóndi cgnusùda in dl'Europa da 'l èst, l'à fat al sò debùt a la granda in dal marcâ discugràfic in dal 2002 cun al sìngul Tu es foutu prudót par Larry Pignagnoli e Marco Soncini. Ad cla canta chè a gh'n è na versiòṅ anca in ingléś cun al tìtul ad You Promised Me.

In séguit la fà gnir fóra, p'r al cà discugràfichi EMI e ZYX, al sò prim àlbum ciamâ Rendez-Vous (Apuntamènt) cun dèntar anc i sìngui In-tango, Shock e Ah l'amour l'amour.

In-Grid la cuntìnua a cantàr in francéś anc in dal 2004 faghénd gnir fóra un disc ad cover ad canti tranśalpìni, La vie en rose (La vita in ròśa), cun dèntar soquànti canti 'd Édith Piaf cuma Milord, Non, je ne regrette rien e La vie en rose.

'L an dòp l'è la vòlta ad Voilà! (Ca-i chè!), un disc sèmp'r in francéś cun ùndas pès dèntar fra i quài i sìngui Mama mia e Oui.

Dal 2010 invéci i èṅ i disc Passion e Lounge Musique.

In-Grid l'è laureàda cun al màsim di vōt in Filuśufìa.

Discugrafìa

Prim piàṅ dla In-Grid
In-Grid in dal 2009

Àlbum

  • Rendez-Vous 2003
  • La vie en rose 2004
  • Voilà! 2005
  • Passion 2010
  • Lounge Musique 2010

Sìngui

  • Tu es foutu (tu m'as promis) 2002
  • Shock 2003
  • In-Tango 2003
  • Ah l'amour l'amour 2004
  • Pochill - Tu Es Là? 2005
  • Mama mia 2005
  • Oui 2006
  • I Was a Ye-Ye Girl (con Doing Time) 2006
  • I Love 2008
  • Tentaçion a l'hombre 2008
  • Le dragueur 2009
  • Les fous 2010
  • Vive le Swing 2010

Culegamènt estéran