Il promontorio della paura

Da Wikipedia.

C'l artìcul chè 'l è scrit in Miranduléś Emiliàn

Cape Fear
Il promontorio della paura

Mitchum e la Polly Bergen in na figùra dal film
Al prumuntòri dla paùra
1962
Regìa: John Lee Thompson
Scritōr: John D. MacDonald • James R. Webb
Atōr: Gregory PeckRobert MitchumLori Martin
Martin BalsamTelly SavalasWill Wright
Polly BergenJack KruschenBarrie Chase
Müsica: Bernard Herrmann
Léngua: Ingléś
Dürä dal film: 105 minüt
Nasiōṅ: Stat Unî


«
Adès a gh'è armàś sōl un quèl da far... masàr! Par paràr via 'n crìmin incóra più tarménd!»
(Tagline dal film)


Il promontorio della paura (Al prumuntòri dla paùra) 'l è 'n film thriller americàṅ dal 1962 ad John Lee Thompson trat da 'n rumànś ad John D. MacDonald ciamâ The Executioners.

Martin Scorsese al 'n à fat 'n arfacimènt in dal 1991, Cape Fear - Il promontorio della paura, cun Robert De Niro in dla part dal prutagunìsta. In dal remake al regìsta ad New York 'l à vlû anc Gregory Peck, Robert Mitchum e Martin Balsam ch'i ìvan recitâ in dal film uriginàri.

Sunt

Dòp avér tòlt part a 'n prucès, 'l avucàt Sam Bowden (Gregory Peck) al s véd rivàr par da drē, in fiṅ a la sò màchina, Max Cady (Robert Mitchum), un criminàl péna mandâ lìbar dòp avér pasâ òt at in parśòṅ p'r avér piciâ, e dagnóra cupâ, na dóna dand-ag dal bòti. Sam 'l éra stâ in alóra al testimòni ciàṿ par far-al cundanàr e adès al capìs ch'al manìac al gh'à sōl vója ad far-'g-la pagàr cara, a lò e a la sò famìja.

Par diféndar sò mujér, la Peggy (Polly Bergen), e la sò putìna Nancy (Lori Martin), 'l avucàt al dmanda ajùt a 'l sò amìg Mark Dutton (Martin Balsam), ispetōr ad pulisìa. Chi lò al próa in tut al manéri a mét'r-al dènt'r incóra ma a n gh'è vèrs parchè al laśaròṅ al n fà minga di quèi a 'l arvèrsa anc s'al visi ad dar di marùc a cal fémni al n 'l à minga pardû. Na dóna ch'la i ciàpa da lò la n diś gnint par paùra che lò al gh faga quèl dòp.

Max al cata prèst al pòst in du a viṿ la famìja Bowden e al vlèna al caṅ par mandàr-ag subìt un signàl ciàr. In séguit al s para anc cónt'r a la Nancy quànd chi lē la vèṅ fóra da scóla. Sam al n in pōl piò e al pénsa ad far-as giustìsia da par lò ma la Nancy la gh fà cambiàr prupòśit. Chi lò al s mét acsè in tèsta ad śibìr di bèsi a Cady par śluntanàr-al da la sò vita ma chi lò al gh diś ad nò, a n è minga quàl lè ch'al pésca. Sam al ciàma alóra in sò ajùt al detective privâ Charles Sievers (Telly Savalas) par tgnir-al 'd òć.

Culegamènt estéran