Il mattino dopo

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg The Morning After
Il mattino dopo
Mattino dopo.png
La Jane Fonda e in na figùra dal film
'L admàṅ matìna
1986
Regia: Sidney Lumet
Scritùr: James Hicks • David Rayfiel
Atùr: Jane FondaJeff BridgesRaul Julia
Diane SalingerKathleen WilhoiteRichard Foronjy
Müsica: Paul Chihara
Dürä dal film: 103 minüt
Lengua: Ingléś
Nasiòun/Paèiş: {{{Nasiòun/Paèiş}}}


«
'L admàṅ matìna... a pōl èsar umisìdi.»
(Tagline dal film)


Il mattino dopo (’L admàṅ matìna) 'l è 'n thriller girâ in dal 1986 par Sidney Lumet. 'L à fat sù da piò ad vint-sinc migliòṅ ad dòlar in tut a frònt 'd un cóst ad trédas. La Jane Fonda l'è stada candidàda par vìns'r al Prèmi Òscar par l'atōra prutagunìsta.

La Kathy Bates la fà 'n cammeo faghénd la part dna pasànta.

Sunt

L’Alex Sternbergen (Jane Fonda) l'è n'atōra in sal viâl dal tramònt e l'è anc n'imbariagòsa. Al sò matrimòni cun Joaquin Manero (Raul Julia), ad mistēr paruchēr, al và mâł parchè qvést chè, dòp déś an ad vita insém, al s è mis a tgnir a drē a l’Isabel (Diane Salinger), fiōla dal giùdas Harding (Michael Prince), e adès al vōl al divòrsi. Anca lē però la gh mét dal suo andànd a lèt cun di óm péna cgnusû.

Na matìna la s darséd cun darènt a lē al cadàvar 'd un futógraf ch'la n s arcòrda briśa, anc parchè la sira prima l'iva alvâ dimóndi al gòmat. Lì lò 'l è stâ masâ cun un curtlàs insfilsâ in dal pèt. È-la stada lē ma adès l'à daśmindgâ incòsa o è-la na trapla? Daspràda l’Alex, dòp avér pruâ a scanślàr tut, la taca a scapàr via par tōr 'n aparéć ma tut i vōi par San Francisco i èṅ pîṅ. Lung la via 'l incróśa 'n ex pulisiòt, Turner Kendall (Jeff Bridges), ch'al créd a qvél ch'la gh diś e al gh dà 'l sò ajùt. A s vèṅ a savér ch'al futógraf al s éra mis a far di ricàt a l’Isabel.

Culegamènt estéran