Il matrimonio di Maria Braun
|
C'l artìcul chè 'l è scrit in
Miranduléś |
 Die Ehe der Maria Braun
| ||
| Il matrimonio di Maria Braun | ||
 La Schygulla e Eagles in na figùra dal film | ||
| Al matrimòni dla Maria Braun 1979 | ||
|---|---|---|
| Regìa: Rainer Werner Fassbinder | ||
| Scritōr: Rainer Werner Fassbinder • Kurt Raab Peter Märthesheimer • Pea Fröhlich | ||
| Atōr: Hanna Schygulla • Elisabeth Trissenaar Klaus Löwitsch • Ivan Desny • Gisela Uhlen George Eagles • Gottfried John • Hark Bohm Lilo Pempeit • Peter Berling • Volker Spengler | ||
| Müsica: Peer Raben | ||
| Léngua: Tedésc • Ingléś • Francéś | ||
| Dürä dal film: 120 minüt | ||
| Nasiōṅ: Germàgna | ||
Il matrimonio di Maria Braun (Al matrimòni dla Maria Braun) 'l è 'n film tedésc dramàtic dal 1979 ad Rainer Werner Fassbinder cunsiderâ al sò caplavōr.
L'Hanna Schygulla e 'l regìsta bavaréś i aṅ vins 'l Órs 'd Argìnt a 'l Fèstival ad Berlîṅ dal 1979.
Sunt
In dla Germâgna naśìsta dal 1943, la Maria Braun (Hanna Schygulla) la véd partìr dòp sōl un dè ad matrimòni sò marè Hermann (Klaus Löwitsch) ch'al gh'à da far al suldâ in dla secónda guèra mundiàla.
In séguit 'n amìg ad famìja, turnâ a cà dòp la guèra, al gh diś ch'al sò spóś 'l è mòrt e la Maria la gh'à da scampàr vindénd dla ròba in dal marcâ nég'r e cavànd-as śò in un lucàl in dua i gh vànan gl'americàṅ. Chè la dóna la cgnós un suldâ nég'r ad nóm Bill (George Eagles) e la s mét insém a lò. I dū i gh'aṅ anc 'd avér fiōl ma 'l putèṅ al nas mòrt.
Hermann però al n è minga mòrt, al s éra sōl pardû in Rùsia. Quànd al tórn' a cà al véd sò mujér fra i bras ad Bill e al pèrd la tèsta. I dū i tàcan na litgàda pēśa, pò la Maria la tira na śbutigliàda in cô a 'l americàṅ ch'al mōr. Sò marè al diś 'd èsar stâ lò, al ciàpa la cólpa par quaciàr la sò dóna e al finìs in parśòṅ. La Maria la s liga alóra cun Karl Oswald (Ivan Desny), 'n industriàł ric sfundâ.