I Love You

Da Wikipedia.
C'l artìcul chè 'l è scrit in Miranduléś Emiliàn
Video-x-generic.svg I Love You
I love you.png
Christopher Lambert in na figùra dal film
A t vój bèṅ
1986
Regia: Marco Ferreri
Scritùr: Enrico Oldoini • Marco Ferreri • Didier Kaminka
Atùr: Christopher LambertEddy MitchellFlora Barillaro
AnémoneMarc BermanMaurizio DonadoniJean Reno
Müsica: /
Dürä dal film: 98 minüt
Lengua: ItagliànFrancéś
Nasiòun/Paèiş: {{{Nasiòun/Paèiş}}}


«
A t farév còmad na ragasōla acsè. Tè at fisć e lē “A t vój bèṅ”, “A t vój bèṅ”... A t piaśrév, véra? L'è qvésta chè ch'at vrév, eh? Na ragàsa sćiavéta, prònta e sèmpar là. E quànd ta gh 'n à vója, ta gh fisć. L'è chi lē la dóna di tò sógn, un quèl ch'la t la dà a cumànd. 'L è qvést chè ch'at vrév, véra? Fisćia, fisćia... Subìt at parìv méj ad chi àtar invéci at sē pèś!»


I Love you (A t vój bèṅ) 'l è 'n film dramàtic dal 1986 ad Marco Ferreri preśentâ a 'l 39śum Fèstival ad Cannes.

Sunt

Michel (Christopher Lambert) 'l è 'n śóvan put ch'al lavóra par n'agensìa 'd viàś. Al viṿ da par lò in un magaśèṅ a Parì dòp ch'al s è separâ da la sò muróśa parchè al n vliva minga avér di fiōi. Dal dóni però a gh 'n à sèmp'r a basta, i s śibìsan vluntéra, ma lò al n in vōl savér, piutòst al tîṅ a drē a la sò mòta, a i prugràma dla televiśiòṅ e a i sò giachét ad pèl. Al sò amìg più impurtànt par lò 'l è Yves (Eddy Mitchell), sénsa lavōr da tri an.

Un dè al cata sù da par tèra un portaciàṿ cun na fàcia ad dóna e di làbar pîṅ ad rusét. Quànd lò al fìsćia, al śavàj al gh rispónd dgénd-ag “a t vój bèṅ”. Michel al pèrd la tèsta dabòṅ p'r al portaciàṿ: 'l al fà védar a i sò amìg, 'l al carésa da spés e al dvènta gelóś quànd cal quèl lè al dascór anc cun chi àtar ch'i gh fìsćian adrē. Michel al gh la cava a far 'l amōr cun al cióndul davànti a la televiśiòṅ. Durànt al lavōr in agensìa al cgnós Pierre (Marc Berman), òṅ ch'al gh'à 'n portaciàṿ cumpàgn dal suo e ch'al s è fidansâ sèg.

Un dè, dòp un strabùc, al ragàs al pèrd un dènt e al n è più bòṅ ad fìsćiar. Par lò 'l è 'n drama, 'l è cuma s'al fus dvintâ imputènt. Par sintìr incóra la vóś dla sò "amàda" 'l è custrét a sunàr 'n urganèṅ ma par lò a n è briśa 'l stés quèl, a n gh cata minga gust. Al decìd acsè ad śbragàr-al.

Culegamènt estéran