Giudìsi 'd Paride

Da Wikipedia.
C'l artìcul chè 'l è scrit in Carpśàn Emiliàn
Un vêś gréc a figùri négri 'd al VI sèc. prìma 'd Crìst, cun al giudìsi 'd Pàride
Un vêś etrùsc a figùri négri 'd al VI sèc. prìma 'd Crìst, cul giudìsi 'd Pàride

Al giudìsi 'd Pàride 'l era stê un di mutìṿ per cumincèr la guèra 'd Tróia e anca, in conseguèinsa, 'dla fundasiòun 'd la sitê 'd Ròma.

Soquànt puèm e còunt antîg cùma l' Ilìade e 'l sìchel truiàn, i cuntèven cal mît chè tulènd-el da la tradisiòun populêr: al dè 'd al spuśalìsi 'd Peléo cun la Teti, d' indû a sarèv pò nê 'l Achìl, i dìo 'dl Olìmp, cum' i s éren già abituê, i nn' ìven mìa invidê la dea dal quistiòun Eris, ch' la purtèva sfurtòuna. Mo chi lē la s in tulìva, e per vendèta e fer dispèt, la butèva in mèś agl' invidèdi un pòm tut 'd ôr cun incìśa la scrìta "A la piò bela". N'l ìs-la mài fat! El trī dèi, l' Atèina, l' Era e la Vèner, tuti e trī i vlìven cal pòm lè e i tachèven a quistiunèr-es sàinsa lasèr lè, infìn tant che 'l Śèus al decidìva 'd fer giudichèr chi fus la piò bela da 'l òm piò bel 'dla Tèra: al Pàride, che in cal mumèint lè 'l éra incòri in cumpagnìa 'dl' Enôṅ a fer al pastōr in sìm' al Mòunt Ida. Tùti e trī 'l dèi i s cavèven śò davànti a lò per fer-es vèder tùti intéri, mo 'l Pàride 'l era incòri indecîś e alòra chi lōr i tachèven ùna p'r òuna a prumètr-eg ciascùna 'l só prémi se lò al l' ìs sernìda: l' Atèina la gh' śibìva al giòst vèder e la vitòria su chī èter in del batàj; l' Era la gh' śibìva dimòndi richèsi e putèinsa pulètica, mèinter che la Vèner la gh' śibìva 'l amōr edla dòna piò bela 'dal mond, l' Élena, mujéra dal Menelào, re 'd Spèrta. Al Pàride al giudichèva dòunca che 'l pòm al duìs andèr a la Vèner, vlènd pròpi tór al só prémi al riguèrd ed 'l amōr.
Da cal giudìsi chè e pò dai fat ch' a in s'rèven deśgnû, a s'rèv cumincê, secònd al mît, la guèra 'd Tróia.


Al giudìsi 'd Pàride in dla pitùra 'd al Botticelli 'd al 1488

Vóś lighèdi


Èter prugèt


Colegamèint estèren