Giovannona Coscialunga disonorata con onore
|
C'l artìcul chè 'l è scrit in
Miranduléś |
 Giovannona Coscialungadisonorata con onore | ||
 La Fenech e Pippo Franco in na figùra dal film | ||
| La Śvanóna Lungacòsa śvargugnàda cun d'l unōr 1973 | ||
|---|---|---|
| Regìa: Sergio Martino | ||
| Scritōr: Luciano Martino • Sergio Martino Tito Carpi • Marino Girolami • Carlo Veo Francesco Milizia • Mariano Laurenti Francesco Massaro • Franco Mercuri | ||
| Atōr: Edwige Fenech • Pippo Franco • Gigi Ballista Riccardo Garrone • Francesca Romana Coluzzi Vittorio Caprioli • Sandro Merli • Danika La Loggia | ||
| Müsica: Guido De Angelis • Maurizio De Angelis | ||
| Léngua: Itagliàṅ | ||
| Dürä dal film: 94 minüt | ||
| Nasiōṅ: Itàglia | ||
Giovannona Coscialunga disonorata con onore (La Śvanóna Lungacòsa śvargugnàda cun d'l unōr) 'l è 'n film da rìdar dal gènar dla cumèdia malnéta a l'itagliàna dal 1973 ad Sergio Martino, vgnû fóra 'l an dòp ad Quel gran pezzo dell'Ubalda tutta nuda e tutta calda e ch'a véd i stés dū prutagunìsta, l'Edwige Fenech e Pippo Franco. 'L à fat sù otsènt-vintsèt migliòṅ ad franc in tut in alóra, anc da piò dl'“Ubalda”.
A 'l èstar 'l è cgnusû c'n al nóm ad “Giovannona Long-Thigh”.
Sunt
Al cumendadōr vénet La Noce (Gigi Ballista) al gh'à 'n caśèl davśèṅ a Catàgna e al vénd dal furmàj a livèl industriàł. Un dè al finìs in di guàj parchè al n rispèta briśa al règhli su l'inquinamènt e par far-la franca al munsgnōr Alatri (Sandro Merli) al gh cunsìlia 'd dmandàr ajùt a 'l unurévul Pedicò (Vittorio Caprioli), òṅ ch'al n s fà minga di prubléma a dar-as da far p'r i amìg, specialmènt se qvi lè i gh śibìsan in cambi al sò mujér parchè lò 'l è 'l as ad brìscula di spurcaciòṅ.
Purtròp par lò al ròbi i n èṅ minga fàcili parchè la sò spóśa, la Marta (Danika La Loggia), la n è briśa una ch'la fà prilàr la tèsta a chi óm e pò lì lē l'è na dasciòlda-crist ch'a gh'è da dar-'g a muć, la và anc a lèt c'n al ruśàri. La Noce al dà acsè 'l incàrag a 'l sò segretàri ad catàr na putàna da tōr a 'l sò pòst e 'l raśunēr Mario Albertini (Pippo Franco) al gh pòrta la Giovannona Coscialunga (Edwige Fenech), in art Cocò, na rója ch'l'à pèrs la tèsta par lò. Al miśùri i èṅ qvéli giùsti, 'l è sōl un pcâ ch'la dascóra cun 'n asènt ùmbar dimóndi pēś.