Frara

Da Wikipedia.

Provincia di Reggio Emilia-Stemma.png Artécol in dialèt arzân Reggio Emilia-Stemma.png


Al Castèl di Estèins a Frêra.

Frêra (Ferrara in italiân) l'é ‘na sitê ed 135.449 abitânt ed l' Emélia-Rumâgna e l'é la capitêla ed la pruvîncia cun al'stès nòm.

Storia[modifica | mudéfica la surzéia]

Frêra l'é inséma al rîvi dal Po ed Volân e la gh‘à un sistêma sitadèin ch’ al s’arfà al XIV sècol, quând l’ ēra gvernêda da la faméja d'Este.

L'é stêda la préma sitê in Europa ad avèiregh un disègn sitadèin precîṣ fàt da n' architèt (al famōş Biagio Rossetti). Pr' al só insèm, carateréstich dal peréiod dal Rinasimèint, per i sō monumèint e al sō belèsi l'é stêda arcgnusûda Patrimòni Mundiêl ed l'Umanitê da l'UNESCO.

L'é ânch óna dal pôchi sitê dl'Italia 'd avèiregh incòra al cèinter intât e circundê dal mûri, che în al'stèsi ed tânt tèimp fa.

Ligàm ad föra[modifica | mudéfica la surzéia]

Provincia di Bologna-Stemma.png Artéccol in dialatt bulgnais Bologna-Stemma.png

Al Castèl di Esténns a Frèra.

Frèra (Ferrara in itagliàn) l'è 'na zitè ed 131.907 abitànt int'l Emégglia-Rumâgna e l'è la capitèl d'la pruvénzia cun al stèss nómm.

Frèra la sta insamm al Po ed Vulàn e l'à un sistêma zitadén ch'l è quall dal sécol XIV, quand l'èra gvarnè da la famàjja d'Este.

L'è stè la prémma in Europa a avair una pianténna disegnè da un architàtt (al grand Biagio Rossetti). Pr'al só insamm, ch'l è téppic dal Rinasimänt, pr' i só monumént e la só blazza, l'è stè arcgnossó Patrimòni mundièl d'l umanitè da l'UNESCO.

L'è anca onna ed cäl pôchi zitè d'Itâglia a avait ancåura un zänter intât e zircundè dal mûr, ch'äli én cunpâgna a qualli ed tànt tänp fa.


Provincia di Ferrara-Stemma.png Artìcol in dialètt frarés Ferrara-Stemma.png

Al Castèl di Esténs a Frara.

Frara (Ferrara in Italiàn) l'è na zità ad 135.449 abitànt int l'Emiglia-Rumagna e la capitàl dl'omònima Pruinza e l'è nà bela zità.

Frara la stà in sal Po ad Vulan e la g'ha na strutura c'la risàl al XIV sècul, quand la iéra guvarnàda da la famjè d'Este. L'è stada la prìma zità in Europa ad averagh un diṡegn prezìs fàt da n'architét (al grànd Biagio Rossetti) e par la sò strutura tìpica dal Rinasiment e par i sò monumènt e il sò blézi l'è stàda artgnusùda Patrimòni Mundiàl dl'Umanità da l'UNESCO. L'è anch una dìl póchi zità dl'Italia ad averagh ancóra al zentàr intàt e zircundà da'l mura, ch'iè anca lór cùmpagn a cum il iéra tant témp fa.

Emilia-Romagna-Bandiera.png Capoluoghi dell'Emilia-Romagna Emilia-Romagna-Bandiera.png
Piasëinsa | Pärma | Rèz | Mòdna | Bulåggna | Frara | Ravêna | Furlé e Zisèna | Rèmin

Provincia di Modena-Stemma.png Artéccol in dialètt mudnés Modena-Stemma.png

Al Castèl di Estèins a Frèra.

Frèra (Ferrara in italiàn) l'é 'na sitê ed 131.907 cristiàn in dl' Emélia-Rumàgna e l'è la capitèla ed la pruvèinsa cun l'istèss nöm.

Frèra la stà inséma al Po ed Vulàn e la gh'à un sistèma sitadèin ch'al s'arfà al XIV sècol, quànd l'éra guernèda da la faméja d'Este. L'è stêda la prémma sitê in Europa ad avéregh un disëgn precìs fat da n'architèt (al grànd Biagio Rossetti ). Pr'al sô insèm, carateréstich dal Rinasimèint, per i sô monumèint e al sô blëssi l'é stèda arcgnusùda Patrimòni Mundièl dl'Umanitê da l'UNESCO. L'è anca ónna dal pòchi sitê dl'Italia ad avéregh incòra al cèinter intàt e circundê dal mùri, ch'én al stèsi ed tànt tèimp fa.