Frōda

Da Wikipedia.
C'l artìcul chè 'l è scrit in Carpśàn Emiliàn
Na giaca spurtìva cun 'l intèr'n un pò quacê cun dla frōda in del spali e in di fiànc
La frōda 'd pelìsa dèint'r al capòt dal cantànt rùs Feodor Chaliapin artràt in dal 1921 dal pitōr Boris Kustodiev
Na frudèta stampèda a quadròt ch'la quàcia un cusèin ortopédic
Un pèra 'd stivalèt cun 'l intèren frudê a culōr vìv


La frōda (fodera in itagliàn) l'è 'n arvestimèint ed stófa, più o meno sustgnùda, ch'al quacia soquànti tapisrìi, cùm'al matràs e i cusèin, al divàṅ e 'l pultròuni, u anc la rivestìs al dedàinter ed soquànt vistî, cuma la s pól catèr a 'l intèren ed serti brèghi, 'd serti vésti e in dal giachi, per dèr-egh piò 'd elegànsa e quacèr méj el cusdùri ch' altrimèinti i se v'drèven in dl arvérs.

El frōdi di vistî

El frōdi i vinen cuśìdi a 'l arvèrsa 'd soquànt vistî, sia per fèr-i bliśghèr méj atàc a 'l corp e sia per tgnìr-egh piò 'd cheld. I pólen ès'r ed séda, cupri, polièster, poliamìda, viscóśa, lana, e cutòun felpê.
Dedàint'r a soquànt vistî a s cata anca dal frōdi ch'i gh'àpien da tgnìr dimòndi cheld, cùma in di capòt e giubòt per 'l invèren, p'r i paéś dal Nord, e alóra el frōdi i s'ràn ed pēl, ed pelìsa, finta e vera. El frōdi i s caten anc'a 'l intèr'n ed soquànt stivàj, 'd scherpi 'd lùs, ed borsi per sgnóra, ed valìśi e via descurènd.

El frōdi dal tapisrìi

El frōdi di matràs e di divàṅ egl'în sovertùt ind un tisû sustgnû, méj s'l è 'd cutòun, ad armadùra uvrèda, e i gh'pólen èser cuśìdi adós u ès'r-egh sulèdi atàc cun dal sernéri, di ptòun, e anc dal velcher.

Vóś lighèdi

Colegamèint estèren