Eutòsi 'd Ascalon
|
C'l artìcol chè 'l è scrit in
Carpśàn |
Eutòsi 'd Ascalòn (nê a Ascalòn intór'n a 'l 480 d.C. - intór'n a 'l 540) 'l era stê 'n matemàtic grēc ch'l ìva scrìt di comèint in sìm'a di tratê dl Archimēd e ai Conic edl Apolòni.
La só vìta e gli ōvri
A nn'es sà mìa dimòndi edla só vìta e dal só ōvri originèli, mo a è rivê infìn ai noster dè soquànt só comèint in sìm'ai scrìt geomètric edl Archimēd e dl Apolòni:
- Un comèint in sìm'ai prìm quater Lìber dai Conic edl Apolòni, ch'l al dedichèva tra 'l èter a 'l matemàtic Antèmi, anca architèt ed S. Sofìa.
- Soquànt comèint in sìm'a:
- i Sféri e Silìnder edl Archimēd.
- la Quadradùra dal Sérć edl Archimēd (in latèin In Archimedis circuli dimensionem)
- i Dū liber in sìm'a 'l Eqvilìbri edl Archimēd.
I só comèint in sìm'a la giumetrìa antìga i àn jutê i studiōś a śuntèr quèl ch'a manchèva in di catamèint archeològic di lìb'r originêl antìg, e a progredìr in generêl in dla cgnusèinsa edla matemâtica antìga[1].
Vóś lighèdi
- Conic edl Apolòni
- Sféri e Silìnder edl Archimēd
- Quadradùra dal Sérć edl Archimēd
- Archimēd
- Apolòni
Noti e referèinsi
- ↑ (EN) Boyer, p. 193. "It is to Eutocius that we owe the Archimedean solution of a cubic through intersecting conics, referred to in The Sphere and Cylinder but not otherwise extant except through the commentary of Eutocius."
Colegamèint estèren
- (EN) O'Connor, John J.; Robertson, Edmund F., "Eutocius of Ascalon", MacTutor History of Mathematics archive, University of St Andrews.