Emmanuelle 7

Da Wikipedia.

C'l artìcul chè 'l è scrit in Miranduléś Emiliàn

Emmanuelle au 7ème ciel
Emmanuelle 7

La Sylvia Kristel in na figùra dal film
id.
1993
Regìa: Francis Leroi
Scritōr: Emmanuelle Arsan • Francis Leroi
Alain Siritzky • Jean-Marc Vasseur
Atōr: Sylvia KristelCaroline LaurenceCarolyn Monroe
Annie BellacRoland WadenJoel BuiRoberto Malone
Müsica: Pierre Bachelet
Léngua: Francéś
Dürä dal film: 90 minüt
Nasiōṅ: Frància


«
In dla realtà virtuàla a n è véra gnint... 'L è parmìs incòsa.»
(Tagline dal film)


Emmanuelle 7 (id.) 'l è 'n film eròtic francéś dal 1993 ad Francis Leroi.

Sunt

L’Emmanuelle (Sylvia Kristel) adès l'à muciâ sù di an ma la gh'à incóra 'l ciòld fis p'r al sès e p'r al deśidèri. L'à vèrt da pôc un sènt'r in dua la gint la pōl far dal sès in na manéra virtuàla lasànd-'s andàr a 'l sò fantaśìi. 'L è abàsta mét'r-as adòs di uciài e na tuta in culegamènt c'n al computer e 'l śōg 'l è fat cum la sà cla purcùsa dla Maria (Carolyn Monroe), una ch'la sèmpar vlû èsar la Marilyn Monroe mént'r al vènt al gh alvàva la stanèla faghénd véd'r incòsa sóta.

Adès l’Emmanuelle la vōl jutàr la sò amìga Sophie (Caroline Laurence) ch'la gh'à di prubléma cun chi óm da quànd Carlos (Roberto Malone) al l'à viulentàda in un masèl. Giusà, magàri se da śōvna la gh fus stada cun Frantz Gotzerman (Roland Waden) sóta 'l dóci dla scōla dal sōri invéci ad pasàr-al a l’Emmanuelle parchè la n s sintìva minga prònta, al ròbi i psìvan cambiàr. In cal méntar chi lò 'l éra dvintâ un siensiâ e al s éra mis a studiàr al furmìghi. L’Emmanuelle la vōl a tut i cóst ch'adès la sò amìga la s faga ciavàr par Frantz druànd i sò machinàri acsè da psēr tiràr via finalmènt al blòc ch'la gh'à in tèsta p'r al sès. E quànd al śōg al finìs lē la n gh pōl gnanc créd'r-ag da 'l tant ch'l'è cuntènta. Adès ch'l'è andàda ólt'r a 'l tràuma ch'l iva patî da ragàsa, quànd na sōra la gh'iva tirâ adòs un séć 'd àqua ślada par dar-ag na punisiòṅ p'r i sò pinsēr malnét, lē l'è prònta a dar-ag dènt'r anc cun l’Emmanuelle arcundànd-'s ad quànd la l'iva paràda via in alóra méntar lē la gh vliva andàr a lèt insém.

Culegamènt estéran